နမူနာတင်ဆက်နည်း
ဇွန် ပထမဆုံးစနေမှာ ကျမ်းစာသင်အံမှုစတင်ရန်
“ကျွန်တော်တို့ရဲ့ မိသားစုဝင် ဒါမှမဟုတ် မိတ်ဆွေဆုံးပါးသွားတာကို ကြုံဖူးမှာပဲ။ သူတို့နဲ့ပြန်တွေ့ရဦးမယ်လို့ ထင်သလား။ [တုံ့ပြန်မှုကိုစောင့်ပါ။] နှစ်သိမ့်မှုပေးတဲ့ဒီအချက်ကို စဉ်းစားကြည့်ပါ။” ဇွန် ၁ ရက်ထုတ် ကင်းမျှော်စင် စာမျက်နှာ ၁၆ မှာပါတဲ့ ဦးဆုံးခေါင်းစဉ်ငယ်အောက်က အကြောင်းအရာကို အတူတကွဖတ်ပြီး ညွှန်းထားတဲ့ ကျမ်းချက်တစ်ချက်ကိုဖတ်ပါ။ မဂ္ဂဇင်းကိုဝေငှပြီးနောက် မေးခွန်းတစ်ခုရဲ့အဖြေကို ဆက်ဆွေးနွေးဖို့ ပြန်လည်ပတ်ဖို့ စီစဉ်ပါ။
ကင်းမျှော်စင် မေ ၁
ဆာလံ ၃၇:၁၀၊ ၁၁ ကိုဖတ်ပါ။ ပြီးတဲ့နောက် ဒီလိုပြောပါ– “ဒီမှာဖော်ပြထားတဲ့ ကတိတော်အမှန်ပြည့်စုံလာတာကို မြင်တွေ့ရမယ်လို့ ထင်သလား။ [တုံ့ပြန်မှုကိုစောင့်ပါ။] အခုလက်ရှိအချိန်မှာ ပြည့်စုံနေတာကို တွေ့ရတဲ့ ပရောဖက်ပြုချက် ခြောက်ခုအကြောင်း ဒီမဂ္ဂဇင်းမှာ ဆွေးနွေးထားတယ်။ ပရောဖက်ပြုချက်တွေက ဒီကတိတော်အမှန်ပြည့်စုံလာမယ့်အချိန် မဝေးတော့ဘူးဆိုတာ ဖော်ပြတယ်။”
နိုးလော့! မေ
“လူဆိုတာ တိရစ္ဆာန်တွေကနေ အဆင့်ဆင့်တိုးတက်ဖြစ်ပေါ်လာတဲ့ သတ္တဝါပါလို့ တချို့သူတွေ ပြောကြတယ်။ မိတ်ဆွေကော ဘယ်လိုထင်သလဲ။ [တုံ့ပြန်မှုကိုစောင့်ပါ။ ဆာလံ ၁၃၉:၁၄ ကိုဖတ်ပါ။] လူ့ခန္ဓာကိုယ်ရဲ့ ထူးခြားဆန်းကြယ်မှုနဲ့ပတ်သက်ပြီး ဆာလံကျမ်းကိုရေးသားသူက နည်းနည်းပဲနားလည်ခဲ့တယ်။ ဒီမဂ္ဂဇင်းမှာ လူတွေ တိရစ္ဆာန်နဲ့ကွာခြားရတဲ့အကြောင်းရင်းအပါအဝင် ဒီနေ့ကျွန်တော်တို့သိထားတဲ့ အကြောင်းအရာတွေကိုပါ ဆွေးနွေးထားတယ်။”