နမူနာတင်ဆက်နည်းများ
ဩဂုတ်လရဲ့ ပထမဆုံး စနေ ဒါမှမဟုတ် တနင်္ဂနွေမှာ ကျမ်းစာသင်အံမှုစဖို့ အခုလိုပြောနိုင်တယ်
“လူတိုင်းနီးပါးက တစ်ချိန်မဟုတ်တစ်ချိန် ဆုတောင်းတတ်ကြတယ်။ ဘုရားတရားမယုံတဲ့သူတွေတောင် ဒုက္ခကြုံတဲ့အခါ ဆုတောင်းတတ်ကြတယ်။ ဘုရားသခင်က ဆုတောင်းချက်အားလုံးကို နားထောင်တယ်လို့ မိတ်ဆွေ ထင်သလား။” တုံ့ပြန်မှုကိုစောင့်ပါ။ ဩဂုတ် ၁ ရက်ထုတ် ကင်းမျှော်စင်ရဲ့ နောက်ကျောအဖုံးကို ပြပါ။ ပထမဆုံးမေးခွန်းရဲ့ အောက်က အကြောင်းအရာနဲ့ အနည်းဆုံး ညွှန်းထားတဲ့ကျမ်းချက်တစ်ချက်ကို သုံးသပ်ပါ။ မဂ္ဂဇင်းကို ဝေငှပြီး နောက်မေးခွန်းတစ်ခု ဆွေးနွေးနိုင်အောင် ပြန်လည်ပတ်ဖို့ စီစဉ်ပါ။
သတိပြုပါ– ဒီတင်ဆက်နည်းကို ဩဂုတ် ၃ ရက် ဒါမှမဟုတ် ၄ ရက်နေ့ လယ်ကွင်းစုဆုံမှုမှာ သရုပ်ပြသင့်ပါတယ်။
ကင်းမျှော်စင် ဩဂုတ် ၁
“အခုအချိန်မှာ ညစ်ညမ်းရုပ်ပုံစာပေတွေ အရမ်းကိုများလာတယ်။ တချို့က ဒီအတွက် စိုးရိမ်မကင်းဖြစ်ကြပေမဲ့ တချို့ကတော့ ဘာမှအန္တရာယ် မရှိဘူးလို့ ယူဆကြတယ်။ မိတ်ဆွေကော ဘယ်လိုထင်သလဲ။ [တုံ့ပြန်မှုကို စောင့်ပါ။] တစ်ခုခုက ကောင်းတယ်၊ ဆိုးတယ်ဆိုတာ ထွက်ပေါ်လာတဲ့ရလဒ်ကိုကြည့်ပြီး သိနိုင်တယ်လို့ ယေရှုပြောခဲ့တယ်။ [မဿဲ ၇:၁၇ ကိုဖတ်ပါ။] ဒီမဂ္ဂဇင်းမှာ ညစ်ညမ်းရုပ်ပုံစာပေကြောင့် ဖြစ်ပေါ်လာတဲ့ အကျိုးဆက်တွေကို ဆွေးနွေးထားတယ်။ ညစ်ညမ်းရုပ်ပုံစာပေတွေကို ဖြတ်နိုင်ပုံနဲ့ပတ်သက်ပြီး လက်တွေ့ကျအကြံပြုချက်တွေကိုလည်း ဖော်ပြပေးထားပါတယ်။”
နိုးလော့! ဩဂုတ်
“လူအများစုက ဖြစ်နိုင်ရင် အသက်ရှည်ရှည် နေချင်ကြတယ်။ တိုးတက်လာတဲ့ သိပ္ပံပညာက လူတွေကို ထာဝစဉ်အသက်ရှင်နိုင်အောင် လုပ်ပေးနိုင်မယ်လို့ မိတ်ဆွေ ထင်ပါသလား။ [တုံ့ပြန်မှုကို စောင့်ပါ။] ဒီအားရှိစရာ ကတိတော်ကို သတိပြုကြည့်ပါ။ [၁ ကောရိန္သု ၁၅:၂၆ ကိုဖတ်ပါ။] ဒီကတိတော် ပြည့်စုံလာအောင် ဘုရားသခင် ဘယ်လိုလုပ်မလဲ။ သိပ္ပံပညာနဲ့လား၊ တခြားနည်းတစ်နည်းနဲ့လား။ အခုအချိန်မှာ ကျွန်ုပ်တို့ ဘာကြောင့် အိုမင်းပြီး သေဆုံးကြရတာလဲ။ ဒီမေးခွန်းတွေကို သမ္မာကျမ်းစာမှာ ဘယ်လိုဖြေဆိုထားသလဲဆိုတာ ဒီမဂ္ဂဇင်းမှာ ဖော်ပြထားပါတယ်။”