‘သူ့ခင်ပွန်းဟာ မြို့တံခါးတွေမှာထိုင်ပြီး ထင်ရှားတဲ့သူဖြစ်’

သီလနဲ့ပြည့်စုံတဲ့ ဇနီးဟာ ခင်ပွန်းကို ဂုဏ်တက်စေတယ်။ ဘုရင်လေမွေလခေတ်တုန်းက သီလနဲ့ပြည့်စုံတဲ့ ဇနီးကို ပိုင်ဆိုင်ထားသူ ခင်ပွန်းဟာ ‘မြို့တံခါးတွေမှာထိုင်ပြီး ထင်ရှားတဲ့သူဖြစ်တယ်။’ (သု. ၃၁:၂၃) ဒီနေ့ခေတ်မှာ လေးစားထိုက်သူတွေဟာ အကြီးအကဲတွေ၊ အသင်းတော်အမှုထမ်းတွေအဖြစ် ထမ်းဆောင်ကြတယ်။ အိမ်ထောင်သည်တွေ ဖြစ်မယ်ဆိုရင် သူတို့ရဲ့ထမ်းဆောင်နိုင်စွမ်းဟာ ဇနီးသည်တွေရဲ့ အမူအကျင့်ကောင်းနဲ့ အထောက်အမကောင်းအပေါ် အများကြီး မူတည်ပါတယ်။ (၁ တိ. ၃:၄၊ ၁၁) သီလနဲ့ပြည့်စုံတဲ့ ဒီလိုဇနီးကို ခင်ပွန်းသာမက ညီအစ်ကိုညီအစ်မတွေကပါ အလွန်တန်ဖိုးထားကြတယ်။

သီလနဲ့ပြည့်စုံတဲ့ ဇနီးအနေနဲ့ ခင်ပွန်းကို ထောက်မနိုင်တဲ့ နည်းလမ်းတွေက . . .

• ကြင်နာတဲ့စကားတွေနဲ့ အားပေးနိုင်တယ်။—သု. ၃၁:၂၆

• အသင်းတော်အတွက် ခင်ပွန်းကို လိုလိုလားလား ပေးဆက်နိုင်တယ်။—၁ သက်. ၂:၇၊ ၈

• ရောင့်ရဲစွာ နေထိုင်တယ်။—၁ တိ. ၆:၈

• အသင်းတော်ရဲ့ အတွင်းရေးကိစ္စအကြောင်း မမေးမြန်းဘူး။—၁ တိ. ၂:၁၁၊ ၁၂; ၁ ပေ. ၄:၁၅