ဝေစာတွေ သုံးပြီး စကားစနိုင်ပုံ

၂၀၁၈၊ ဇန်နဝါရီလကစပြီး အသက်တာနဲ့ အမှုဆောင်လုပ်ငန်း လေ့ကျင့်ခန်းစာစောင် မျက်နှာဖုံးမှာ နမူနာတင်ဆက်နည်းတွေ ဖော်ပြခဲ့တယ်။ စာပေ ဝေငှရုံသာ မဟုတ်ဘဲ လူတွေနဲ့ စကားစမြည်ပြောတာကို အဓိကအာရုံစိုက်ဖို့ အားပေးခဲ့တယ်။ ကြေညာသူတွေ ချဉ်းကပ်နည်းပြောင်းရာမှာ အထောက်အကူဖြစ်စေဖို့ ကျမ်းစာကိုပဲသုံးပြီး စကားစမြည်စပြောနိုင်ပုံ နမူနာဗီဒီယိုတွေ တင်ဆက်ပေးခဲ့တယ်။ အဲဒီလိုပြောလို့ တစ်အိမ်တက်ဆင်း ဟောပြောတဲ့အခါ စာပေတွေ လုံးဝ မသုံးရတော့ဘူးလား။ မဟုတ်ပါဘူး။ စကားစမြည် စပြောဖို့ ဝေစာတွေဟာ တကယ်ထိရောက်ပါတယ်။ ဘယ်ဝေစာကိုပဲသုံးသုံး အောက်ပါနည်းလမ်းနဲ့ စကားစနိုင်တယ်–

1. ၁။ ရှေ့စာမျက်နှာပါ မေးခွန်းကို မေးပါ။

2. ၂။ ဒုတိယစာမျက်နှာ ထိပ်မှာပါတဲ့ ကျမ်းချက်(တွေ)ရဲ့ အဖြေကို ပြပါ။ အချိန်ရရင် ဝေစာအထဲမှာပါတဲ့ အချက်တချို့ကို ဖတ်ပြီး ဆွေးနွေးပါ။

3. ၃။ အိမ်ရှင်ကို ဝေစာပေးပါ။ အားတဲ့အခါ ကျန်တဲ့အချက်တွေကို ဖတ်ဖို့ အားပေးပါ။

4. ၄။ ထွက်မသွားခင် “စဉ်းစားကြည့်ပါ” မှာပါတဲ့ မေးခွန်းကို ပြပါ။ နောက်တစ်ခါ ပြန်သွားပြီး ကျမ်းစာအဖြေကို ဆွေးနွေးဖို့ စီစဉ်ပါ။

ပြန်လည်ပတ်တဲ့အခါ မေးခဲ့တဲ့ မေးခွန်းကို ဆွေးနွေးပြီး နောက်တစ်ခါ ဆွေးနွေးဖို့ မေးခွန်းတစ်ခု ထားခဲ့ပါ။ ဝက်ဘ်ဆိုက်ထဲက ဒါမှမဟုတ် ဝေစာနောက်ကျောမှာ ဖော်ပြထားတဲ့ စာပေထဲက မေးခွန်းတစ်ခု မေးခဲ့နိုင်တယ်။ သင့်တော်တဲ့အချိန်မှာ လူမျိုးအားလုံးအတွက် သတင်းကောင်း စာစောင် ဒါမှမဟုတ် သွန်သင်ခြင်းကိရိယာထဲက စာပေတစ်ခုနဲ့ မိတ်ဆက်ပေးပါ။