ခရစ်ယာန်အသက်တာလမ်းစဉ်
လူငယ်တို့—ယေဟောဝါဟာ သင်တို့ရဲ့ အကောင်းဆုံး မိတ်ဆွေလား
ကိုယ့်မိတ်ဆွေတစ်ယောက်ဆီမှာ ဘယ်လို အရည်အသွေးမျိုး ရှိစေချင်သလဲ။ သစ္စာရှိတာ၊ ကြင်နာတာ၊ ရက်ရောတာ ဖြစ်နိုင်တယ်။ ယေဟောဝါမှာ အဲဒီအရည်အသွေးအားလုံး ရှိတယ်။ (ထွ ၃၄:၆။ တ ၁၄:၁၇) သင်ဆုတောင်းတဲ့အခါ နားထောင်ပေးတယ်။ အကူအညီ လိုတဲ့အခါတိုင်း ကူညီပေးတယ်။ (ဆ ၁၈:၁၉၊ ၃၅) သင့်အမှားတွေကို ခွင့်လွှတ်တယ်။ (၁ယ ၁:၉) ယေဟောဝါဟာ သိပ်ကောင်းတဲ့ မိတ်ဆွေပါပဲ။
သင်ကော ယေဟောဝါရဲ့ မိတ်ဆွေ ဘယ်လို ဖြစ်နိုင်သလဲ။ ကျမ်းစာဖတ်ပြီး ဘုရားအကြောင်း လေ့လာပါ။ ဘုရားကို ရင်ဖွင့်ပါ။ (ဆ ၆၂:၈။ ၁၄၂:၂) ယေဟောဝါအတွက် အရေးပါတဲ့အရာတွေ ဖြစ်တဲ့ သားတော်၊ နိုင်ငံတော်၊ အနာဂတ် ကတိတော် စတာတွေကို တန်ဖိုးထားကြောင်း ဖော်ပြပါ။ ဘုရားအကြောင်း တခြားသူတွေကို ပြောပြပါ။ (တရ ၃၂:၃) သင်က ယေဟောဝါနဲ့ ရင်းနှီးအောင် လုပ်ရင် ယေဟောဝါက သင့်ရဲ့ ထာဝရ မိတ်ဆွေ ဖြစ်လာမယ်။—ဆ ၇၃:၂၅၊ ၂၆၊ ၂၈။
လူငယ်တို့—“ယေဟောဝါရဲ့ ကောင်းမြတ်မှုကို မြည်းစမ်းပြီး ခံစားကြည့်ပါ” ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–
ဆက်ကပ်အပ်နှံ နှစ်ခြင်းခံဖို့ သင် ဘယ်လို ပြင်ဆင်နိုင်သလဲ။
ယေဟောဝါအတွက် အမှုဆောင်ဖို့ အသင်းတော်က တခြားသူတွေ သင့်ကို ဘယ်လို ကူညီပေးနိုင်သလဲ။
အမှုဆောင်လုပ်ငန်းက ယေဟောဝါနဲ့ သင့်ဆက်ဆံရေးကို ဘယ်လို ခိုင်မြဲစေသလဲ။
ယေဟောဝါနဲ့ ထာဝစဉ် မိတ်ဆွေ ဖြစ်နိုင်
အမှုဆောင်လုပ်ငန်းရဲ့ ဘယ်ကဏ္ဍတွေမှာ သင် ပါဝင်နိုင်သလဲ။
ယေဟောဝါနဲ့ ပတ်သက်ပြီး သင် ဘာကို အနှစ်သက်ဆုံးလဲ။