ခရစ်ယာန်အသက်တာလမ်းစဉ်
ယေဟောဝါရဲ့ ဆုံးမပဲ့ပြင်မှုကို ထောက်ခံခြင်းဖြင့် မေတ္တာပြပါ
နှင်ထုတ်ခြင်း အစီအစဉ်က အသင်းတော်ကို ကာကွယ်ပေးတယ်။ နောင်တမရတဲ့ အပြစ်ပြုသူကို ဆုံးမရာရောက်တယ်။ (၁က ၅:၆၊ ၁၁) အဲဒီနည်းနဲ့ ယေဟောဝါ ဆုံးမတာကို ထောက်ခံတာက မေတ္တာပြတာ ဖြစ်တယ်။ နှင်ထုတ်ခြင်းကြောင့် ဆွေမျိုးတွေနဲ့ တရားရေး ကော်မတီ အပါအဝင် ပါဝင်ပတ်သက်သူအားလုံး စိတ်ထိခိုက်နေချိန်မှာ အဲဒီအချက် ဘယ်လို မှန်ကန်သလဲ။
အဓိကကတော့ ယေဟောဝါရဲ့ ဂုဏ်သတင်း၊ သန့်ရှင်းခြင်းနဲ့ဆိုင်တဲ့ ဘုရားစံနှုန်းတွေကို ချစ်မြတ်နိုးရာရောက်တယ်။ (၁ပ ၁:၁၄-၁၆) နှင်ထုတ်ခံရသူကိုလည်း ချစ်ရာရောက်တယ်။ ပြင်းထန်တဲ့ ဆုံးမမှုကြောင့် နာကျင်ရပေမဲ့ “ဖြောင့်မတ်စွာ အသက်ရှင်တဲ့အတွက် ငြိမ်သက်ခြင်းကို ခံစားရလိမ့်မယ်။” (ဟီ ၁၂:၅၊ ၆၊ ၁၁) နှင်ထုတ်ခံရသူ၊ မိမိဘာသာ ပေါင်းသင်းမှု ရပ်စဲလိုက်သူနဲ့ ပေါင်းသင်းဆက်ဆံခြင်းက ယေဟောဝါရဲ့ ဆုံးမမှုကို ဆန့်ကျင်တာပဲ။ ယေဟောဝါက “တော်သင့်ရုံပဲ ဆုံးမ” တယ်ဆိုတာ သတိရပါ။ (ယေ ၃၀:၁၁) ယေဟောဝါရဲ့ ဆုံးမမှုကို ထောက်ခံပြီး ဝတ်ပြုရေးမှာ ဆက်ပါဝင်နေရင်း ကရုဏာရှင် ယေဟောဝါဆီ နှင်ထုတ်ခံရသူ ပြန်လှည့်လာမှာကို မျှော်လင့်နိုင်ပါတယ်။—ရှာ ၁:၁၆-၁၈။ ၅၅:၇။
အပြည့်အဝ ဆက်သစ္စာစောင့်သိပါ ဗီဒီယို ပြပါ။ ပြီးနောက် အောက်ပါမေးခွန်းတွေ ဖြေပါ–
သားသမီးတစ်ယောက် ယေဟောဝါကို ကျောခိုင်းသွားရင် ခရစ်ယာန်မိဘတွေ ဘယ်လို ခံစားရသလဲ။
သစ္စာစောင့်သိတဲ့ မိသားစုဝင်တွေကို အသင်းတော်က ဘယ်လို ကူညီပေးနိုင်သလဲ။
မိသားစုထက် ယေဟောဝါကို သစ္စာရှိဖို့ အရေးကြီးမှန်း ဘယ်ကျမ်းစာမှတ်တမ်းက ဖော်ပြသလဲ။
မိသားစုထက် ယေဟောဝါကို သစ္စာစောင့်သိကြောင်း ဘယ်လိုနည်းနဲ့ ပြနိုင်သလဲ။