နေ့စဉ် ဘဝအသက်တာအတွက် ဉာဏ်ပညာ ရဖို့ JW.ORG မှာ ရှာပါ

ခက်ခဲကျပ်တည်းတဲ့ နောက်ဆုံးကာလမှာ ကြုံရတဲ့ ပြဿနာတွေကို ဖြေရှင်းဖို့ ကျမ်းစာမှာ အပြည့်အဝ ပြင်ဆင်ပေးထားတယ်။ (၂တိ ၃:၁၊ ၁၆၊ ၁၇) ဒါတောင် ပြဿနာတစ်ခုအတွက် ကျမ်းစာအခြေခံမူတွေကို ရှာတွေ့ဖို့ အကူအညီ လိုအပ်တဲ့အခါတွေ ရှိနိုင်တယ်။ ဥပမာ၊ သင်ဟာ ကလေးတွေကို ပြုစုပျိုးထောင်ရာမှာ အကြံဉာဏ် လိုနေတဲ့ မိဘတစ်ဦးလား။ ယုံကြည်ခြင်း စမ်းသပ်မှုကို ရင်ဆိုင်ဖြေရှင်းနေရတဲ့ ဆယ်ကျော်သက်တစ်ဦးလား။ အိမ်ထောင်ဖက် ဆုံးပါးသွားလို့ ဝမ်းနည်းကြေကွဲနေသူလား။ ဒီအခြေအနေတွေနဲ့ တခြား အခြေအနေများစွာအတွက် ကျမ်းစာမူတွေကို jw.org ဝက်ဘ်ဆိုက်မှာ ရှာတွေ့နိုင်ပါတယ်။—ပ ၂:၃-၆။

jw.org ပင်မစာမျက်နှာက သမ္မာကျမ်းစာ သွန်သင်ချက်များကို နှိပ်ပါ။ (ပုံ ၁ ကို ကြည့်ပါ။) ပေါ်လာတဲ့ စာရင်းမှာ သင် စိတ်ဝင်စားတဲ့ အမျိုးအစားကို ရွေးပါ။ ဒါမှမဟုတ် စာကြည့်တိုက် > ဆောင်းပါးတွဲများကို နှိပ်ပြီး စိတ်ဝင်စားတဲ့ အချက်ကို ရွေးပါ။ (ပုံ ၂ ကို ကြည့်ပါ။) JW Library^® ကနေလည်း အဲဒါတွေကို တွေ့နိုင်ပါတယ်။a အဲဒီကနေ ဆောင်းပါးတွေကို ရှာဖွေဖတ်ရှုနိုင်ပါတယ်။ နောက်လုပ်နိုင်တဲ့နည်းက jw.org မှာ တွေ့ရတဲ့ ရှာဖွေပါ အကွက်မှာ အကြောင်းအရာ ရိုက်ထည့်ပြီး ရှာပါ။

အောက်ပါ အကြောင်းအရာတွေကို ရှာဖွေပါ အကွက်မှာ ရိုက်ပါ။ သင် ဖတ်ချင်တဲ့ ဆောင်းပါးတွေကို ရေးမှတ်ထားပါ။

• သားသမီး ပြုစုပျိုးထောင်

• ဆယ်ကျော်သက် စိတ်ကျဝေဒနာ

• အိမ်ထောင်ဖက် ဆုံးပါး