ဘုရားရေးရာ ရတနာတွေ တူးဖော်ပါ

ကျမ်းစာ ဖတ်၊ ရှာဖွေလေ့လာတဲ့အခါ ဘုရားရေးရာ ရတနာတွေ တူးဖော်နိုင်တယ်။ အကျိုး ပိုရဖို့ ဘာလုပ်နိုင်သလဲ။

ကျမ်းမှတ်တမ်းမှာ ပါတဲ့ အသေးစိတ် အချက်တွေ ထဲထဲဝင်ဝင် ရှာဖွေပါ။ ဥပမာ၊ ဘယ်သူက ဘယ်သူ့ဆီ ဘယ်အချိန်မှာ ရေးသလဲ၊ ဘာတွေ ဖြစ်နေသလဲ၊ အဲဒီမတိုင်ခင် ဘာဖြစ်ခဲ့သလဲ၊ အဲဒီနောက် ဘာဖြစ်သလဲ သိအောင် လုပ်ပါ။

သင်ခန်းစာတွေ စဉ်းစားပါ။ ‘အဖြစ်အပျက်မှာ ပါသူတွေ ဘယ်လို ခံစားရသလဲ။ ဘာသဘောထား ရှိသလဲ။ သူတို့လို သဘောထား ရှိဖို့ ဒါမှမဟုတ် မရှိဖို့ ဘာကြောင့် ကြိုးစားသင့်သလဲ’ လို့ စဉ်းစားပါ။

အမှုဆောင်မှာ၊ တခြားသူတွေနဲ့ ဆက်ဆံရာမှာ သင်ခန်းစာတွေ လက်တွေ့ကျင့်ပါ။ “အမိန့်တော်ကို လိုက်နာသူဟာ ထိုးထွင်းဉာဏ်ရှိရှိ လုပ်ဆောင်တယ်” ဆိုတဲ့ ကျမ်းစကားအတိုင်း သင် ထိုးထွင်းဉာဏ် ရှိလာမယ်။—ဆာ. ၁၁၁:၁၀။

• အကြံပြုချက်။ ကြားရက် အစည်းအဝေးရဲ့ ကျမ်းစာထဲက အဖိုးတန်ဘဏ္ဍာများ အပိုင်းမှာ ပါတဲ့ အချက်တွေက သင်ခန်းစာတွေ လက်တွေ့ကျင့်ဖို့ ဘယ်လို ကူညီပေးကြောင်း သတိပြုပါ။ ကျွန်တော်တို့ စဉ်းစားနိုင်တဲ့ မေးခွန်းတွေ၊ တွေးတောဆင်ခြင်နိုင်တဲ့ အချက်တွေ၊ ဆန်းစစ်နိုင်တဲ့ ရုပ်ပုံတွေ အဲဒီအပိုင်းမှာ အမြဲ ပါတယ်။