၂ ဘုရင်များ

၂၃ ယောရှိမင်းက ယုဒပြည်နဲ့ ဂျေရုဆလင်မြို့မှာရှိတဲ့ အကြီးအကဲတွေကို  လူလွှတ်ပြီး  ဆင့်ခေါ်လိုက်တယ်။+ ၂ အဲဒီနောက် ယုဒအမျိုးသားတွေ၊ ဂျေရုဆလင်မြို့သူမြို့သားတွေ၊ ပုရောဟိတ်တွေ၊ ပရောဖက်တွေ၊ လူကြီးလူငယ်တွေနဲ့အတူ ယေဟောဝါရဲ့ အိမ်တော်ဆီ တက်သွားတယ်။ ယေဟောဝါရဲ့ အိမ်တော်မှာတွေ့ခဲ့တဲ့+ ပဋိညာဉ်ကျမ်းလိပ်ထဲက+ စကားတွေကို အားလုံးကြားအောင် ဖတ်ပြတယ်။+ ၃ ပြီးတော့ ယောရှိက ယေဟောဝါနောက်ကို လိုက်ပါ့မယ်၊ ဒီကျမ်းလိပ်ထဲက ပဋိညာဉ်စကားတွေအတိုင်း လုပ်ဆောင်ပါ့မယ်၊ ဒီနည်းနဲ့ ပညတ်ချက်တွေ၊ သတိပေးချက်တွေ၊ ဥပဒေတွေကို စိတ်စွမ်းရှိသမျှ၊ ကိုယ်စွမ်းရှိသမျှ လိုက်နာပါ့မယ်လို့ တိုင်နားမှာရပ်ပြီး ယေဟောဝါရှေ့ ကတိသစ္စာပြုတယ်။+ ဒါကို လူတွေ သဘောတူကြတယ်။+

၄ အဲဒီနောက်  ယောရှိက  ပုရောဟိတ်မင်း ဟိလခိနဲ့+ လက်ထောက်ပုရောဟိတ်တွေ၊ တံခါးစောင့်တွေကိုခေါ်ပြီး ဗာလဘုရားနဲ့ ကိုးကွယ်ရာသစ်တိုင်တွေ၊*+ ကောင်းကင်ပေါ်က ကြယ်တွေကို ဝတ်ပြုရာမှာသုံးတဲ့ ပစ္စည်းတွေ အားလုံးကို ယေဟောဝါရဲ့ ဗိမာန်တော်ကနေ သယ်ထုတ်သွားဖို့ အမိန့်ပေးတယ်။ အဲဒါတွေကို ဂျေရုဆလင်မြို့ပြင်မှာရှိတဲ့ ကိဒြုန်တောင်စောင်းမှာ မီးရှို့ပြီးနောက် ပြာကို ဗေသလမြို့ဆီ ယူသွားတယ်။+ ၅ ပြီးတော့ ယုဒမြို့တွေနဲ့ ဂျေရုဆလင်မြို့ပတ်ဝန်းကျင်က အထွတ်အမြတ်နေရာတွေမှာ ယဇ်ပူဇော်ဖို့ ယုဒဘုရင်တွေ ခန့်ထားတဲ့ တိုင်းတစ်ပါးဘုရားရဲ့ ပုရောဟိတ်တွေကို မောင်းထုတ်ပစ်တယ်။ နေ၊ လ၊ ဂြိုဟ်နက္ခတ်တွေ၊ ကောင်းကင်ပေါ်က ကြယ်တွေနဲ့ ဗာလဘုရားအတွက် ယဇ်ပူဇော်သူတွေကိုလည်း  မောင်းထုတ်ပစ်တယ်။+ ၆ ကိုးကွယ်ရာသစ်တိုင်ကို*+ ယေဟောဝါရဲ့အိမ်တော်ကနေ ဂျေရုဆလင်မြို့ပြင်မှာရှိတဲ့ ကိဒြုန်ချိုင့်ဝှမ်းကို သယ်သွားပြီး အဲဒီချိုင့်ဝှမ်းမှာ မီးရှို့၊+ ညက်ညက်ခြေပြီးနောက် ပြာကို အများပြည်သူတွေရဲ့ သင်္ချိုင်းဂူတွေပေါ် ကြဲလိုက်တယ်။+ ၇ ယေဟောဝါရဲ့အိမ်တော်မှာရှိတဲ့ ယောက်ျားပြည့်တန်ဆာတွေရဲ့  အိမ်ကိုလည်း  ဖြိုချတယ်။+ အဲဒီအိမ်တွေမှာ မိန်းမတွေက ကိုးကွယ်ရာသစ်တိုင်* အတွက် နတ်ကွန်းရွက်ဖျင်တွေ ရက်လုပ်လေ့ရှိတယ်။

၈ အဲဒီနောက်  ယောရှိက  ယုဒမြို့တွေမှာရှိတဲ့   ပုရောဟိတ်အားလုံးကို ခေါ်လိုက်တယ်။ ဂေဘမြို့ကနေ+ ဗေရရှေဘမြို့အထိ+ ပုရောဟိတ်တွေ ပူဇော်တဲ့ အထွတ်အမြတ်နေရာတွေကို ညစ်ညူးအောင်  လုပ်လိုက်တယ်။  မြို့တံခါးကနေဝင်လာရင် ဘယ်ဘက်မှာရှိတဲ့ မြို့ဝန်ယောရှုရဲ့ အိမ်တံခါးနားက အထွတ်အမြတ်နေရာတွေကိုလည်း ဖြိုချပစ်တယ်။ ၉ အထွတ်အမြတ်နေရာတွေမှာ ပုရောဟိတ်လုပ်တဲ့သူတွေဟာ ဂျေရုဆလင်မှာရှိတဲ့ ယေဟောဝါရဲ့ပူဇော်ရာပလ္လင်မှာ အမှုဆောင်ခွင့်မရှိဘူး။+ ဒါပေမဲ့ တဆေးမဲ့မုန့်ကိုတော့ ညီအစ်ကိုတွေနဲ့အတူ စားသုံးခွင့်ရှိတယ်။ ၁၀ ယောရှိဟာ ဟိန်နုံသားတွေရဲ့ချိုင့်ဝှမ်း*+ မှာရှိတဲ့ တောဖက်အရပ်ကိုလည်း+ ညစ်ညူးအောင် လုပ်လိုက်တဲ့အတွက် အဲဒီမှာ မောလုတ်ဘုရားဆီ ကိုယ့်သားသမီးကို မပူဇော်ကြတော့ဘူး။+ ၁၁ နေမင်းဆီ ယုဒဘုရင်တွေ ဆက်ကပ်ထားတဲ့ မြင်းတွေကိုလည်း ယေဟောဝါရဲ့အိမ်တော် ဆင်ဝင်နားက နန်းတွင်းအရာရှိ နာသမေလက်ရဲ့ စားသောက်ခန်းကနေ ဖြတ်သန်းသွားလာခွင့် မပြုတော့ဘူး။ နေမင်းဆီ ဆက်ကပ်ထားတဲ့ မြင်းရထားတွေကိုလည်း မီးရှို့ပစ်တယ်။+ ၁၂ ဒါ့အပြင် အာခတ်မင်းရဲ့ အိမ်မိုးအထက်ခန်းပေါ်မှာ ယုဒဘုရင်တွေတည်ခဲ့တဲ့ ယဇ်ပလ္လင်တွေ၊+ ယေဟောဝါရဲ့ အိမ်တော်ရင်ပြင်နှစ်ခုမှာ မနာရှေမင်း တည်ခဲ့တဲ့ ယဇ်ပလ္လင်တွေကို ဖြိုချတယ်။+ အဲဒီနောက် ညက်ညက်ခြေပြီး အမှုန့်တွေကို ကိဒြုန်ချိုင့်ဝှမ်းမှာ ကြဲလိုက်တယ်။ ၁၃ ဂျေရုဆလင်မြို့အရှေ့၊  ပျက်စီးရာ  တောင်ရဲ့*  တောင်ဘက်မှာရှိတဲ့  အထွတ်အမြတ်နေရာတွေကိုလည်း ညစ်ညူးစေတယ်။ အဲဒီနေရာတွေကို ရွံမုန်းစရာ ဆိုင်ဒုန်ဘုရားမ အာရှတရက်၊ ရွံမုန်းစရာ မောဘဘုရား ခေမုရှ၊ ရွံရှာဖွယ် အမ္မုန်ဘုရား+ မိလကုံအတွက်+ အစ္စရေးဘုရင် ရှောလမုန် တည်ဆောက်ခဲ့တာ ဖြစ်တယ်။ ၁၄ ဒါ့အပြင် ကိုးကွယ်ရာ ကျောက်တိုင်တွေကို ချိုးဖဲ့ပြီး ကိုးကွယ်ရာသစ်တိုင်တွေကို*+ ခုတ်လှဲပစ်တယ်။ အဲဒီနေရာတွေမှာ  လူသေအရိုးတွေနဲ့ ပြည့်စေတယ်။ ၁၅ ဗေသလမြို့မှာ အစ္စရေးတွေကို အပြစ်ကျူးလွန်စေတဲ့ နေဗတ်ရဲ့သား ယေရောဗောင်တည်ခဲ့တဲ့ ယဇ်ပလ္လင်နဲ့ အထွတ်အမြတ်နေရာကို ဖြိုချပစ်တယ်။+ ပြီးတော့ အထွတ်အမြတ်နေရာကို မီးရှို့ပြီး ညက်ညက်ခြေလိုက်တယ်။ ကိုးကွယ်ရာသစ်တိုင်တွေ* ကိုလည်း မီးရှို့တယ်။+

၁၆ အဲဒီနောက် ယောရှိမင်း လှည့်လည်ကြည့်ရှုတဲ့အခါ  တောင်ပေါ်မှာ သင်္ချိုင်းဂူတွေကို  တွေ့တယ်။  အဲဒီသင်္ချိုင်းဂူတွေထဲက အရိုးတွေကို ယူ၊ ယဇ်ပလ္လင်ပေါ်မှာ မီးရှို့ခိုင်းပြီး ယဇ်ပလ္လင်ကို ညစ်ညူးအောင် လုပ်လိုက်တယ်။ စစ်မှန်တဲ့ ဘုရားသခင်ရဲ့လူကတစ်ဆင့် ယေဟောဝါ ကြိုဟောခဲ့တဲ့အတိုင်း ဖြစ်လာတယ်။+ ၁၇ နောက်တော့ ယောရှိက “ငါလှမ်းမြင်နေရတဲ့ သင်္ချိုင်းဂူက ဘယ်သူ့သင်္ချိုင်းဂူလဲ” လို့မေးတဲ့အခါ မြို့သားတွေက “ယုဒပြည်ကလာတဲ့ ဘုရားသခင့်လူရဲ့ သင်္ချိုင်းပါ။+ ဗေသလမြို့က ယဇ်ပလ္လင်ကို မင်းကြီး အခုလိုလုပ်မယ်ဆိုပြီး ကြိုဟောခဲ့တဲ့သူပေါ့” လို့ဖြေကြတယ်။ ၁၈ ဒါနဲ့ ယောရှိက “အဲဒီသင်္ချိုင်းဂူကိုတော့ ထားလိုက်ပါ။ သူ့အရိုးတွေကို မရွှေ့ကြနဲ့” လို့အမိန့်ပေးတော့ သူ့အရိုးတွေကိုရော ရှမာရိမြို့ကလာတဲ့  ပရောဖက်ရဲ့အရိုးတွေကိုပါ ဒီအတိုင်းထားလိုက်ကြတယ်။+

၁၉ အစ္စရေးဘုရင်တွေက ရှမာရိမြို့ရဲ့ အထွတ်အမြတ်နေရာတွေမှာ ဝတ်ကျောင်းတွေ ဆောက်ပြီး+ ဘုရားသခင်ကို အမျက်ထွက်အောင် လုပ်ခဲ့ကြတယ်။ ယောရှိမင်းက အဲဒီဝတ်ကျောင်းတွေကို  ဗေသလမြို့မှာ လုပ်ခဲ့တဲ့အတိုင်း ဖယ်ရှားပစ်တယ်။+ ၂၀ အထွတ်အမြတ်နေရာတွေမှာ  အမှုထမ်းတဲ့ ပုရောဟိတ်တွေကို ယဇ်ပလ္လင်တွေပေါ်မှာ ကွပ်မျက်တယ်။ လူသေအရိုးတွေကိုလည်း အဲဒီပလ္လင်တွေပေါ်မှာ မီးရှို့တယ်။+ အဲဒီနောက်  ဂျေရုဆလင်မြို့ကို  ပြန်သွားတယ်။

၂၁ ယောရှိမင်းက လူအားလုံးကို “ဒီပဋိညာဉ်ကျမ်းလိပ်မှာ  ရေးထားတဲ့အတိုင်း+  ယေဟောဝါဘုရားအတွက် ပသခါပွဲ*  ကျင်းပကြ”+  လို့အမိန့်ပေးတယ်။ ၂၂ ဒီလိုပသခါပွဲမျိုးကို အစ္စရေးတွေကို စီရင်အုပ်ချုပ်တဲ့ တရားသူကြီးတွေ လက်ထက်ကတည်းက မကျင်းပဖူးဘူး။ အစ္စရေးဘုရင်တွေနဲ့ ယုဒဘုရင်တွေ  လက်ထက်မှာလည်း  မကျင်းပဖူးဘူး။+ ၂၃ ဒါပေမဲ့  ယောရှိနန်းစံ ၁၈ နှစ်မှာတော့ ဂျေရုဆလင်မြို့မှာ ယေဟောဝါအတွက် အဲဒီလိုပသခါပွဲမျိုး ကျင်းပကြတယ်။

၂၄ ယောရှိဟာ ယေဟောဝါရဲ့အိမ်တော်မှာ  ပုရောဟိတ်  ဟိလခိတွေ့ခဲ့တဲ့+ ပညတ်ကျမ်းလိပ်ထဲက စကားတွေအတိုင်း လုပ်ဆောင်နိုင်ဖို့+ ယုဒပြည်နဲ့ ဂျေရုဆလင်မြို့မှာရှိတဲ့ နတ်ကတော်တွေ၊ ဗေဒင်ဆရာတွေ၊+ တေရပ်ရုပ်တုတွေ၊*+ ရွံမုန်းစရာရုပ်တုတွေ၊* ရွံမုန်းစရာတွေ အားလုံးကို ဖယ်ရှားလိုက်တယ်။ ၂၅ မောရှေပညတ်မှာ ပါတဲ့အတိုင်း ယေဟောဝါဆီ စိတ်စွမ်းရှိသမျှ၊ ကိုယ်စွမ်းရှိသမျှ၊+ ခွန်အားရှိသမျှနဲ့ ပြန်လာတဲ့ သူ့လိုဘုရင်မျိုး အရင်ကလည်း မရှိခဲ့ဖူးဘူး၊ နောင်လည်း မရှိဘူး။

၂၆ ဒါပေမဲ့ ယေဟောဝါက မိမိကို စိတ်ဆိုးအောင်လုပ်ခဲ့တဲ့ မနာရှေရဲ့ လုပ်ရပ်တွေကြောင့် ယုဒပြည်ကို အမျက်ထွက်နေတုန်းပဲ။+ ၂၇ ဒါကြောင့် ယေဟောဝါက “အစ္စရေးတွေကို ငါ့ရှေ့ကနေ ဖယ်ရှားခဲ့သလို+ ယုဒလူတွေကိုလည်း ငါဖယ်ရှားမယ်။+ ငါရွေးချယ်ထားတဲ့ ဒီဂျေရုဆလင်မြို့၊ ‘ငါ့နာမည်တည်နေရမယ်’ လို့ငါပြောခဲ့တဲ့ ဒီအိမ်တော်ကို+ စွန့်ပစ်မယ်” လို့ပြောတယ်။

၂၈ ယောရှိရဲ့  ကျန်တဲ့သမိုင်းကြောင်းတွေ၊ သူလုပ်ဆောင်ခဲ့သမျှတွေကို ယုဒဘုရင်တွေရဲ့ ရာဇဝင်မှတ်တမ်းမှာ  ရေးထားတယ်။ ၂၉ သူ့လက်ထက်မှာ အီဂျစ်ဘုရင် ဖာရောနေခေါက အဆီးရီးယားဘုရင်ကို စစ်ကူဖို့ ယူဖရေးတီးမြစ်ကို ချီတက်လာတယ်။ အဲဒီအခါ ယောရှိက နေခေါကိုတိုက်ဖို့ ထွက်လာတယ်။ နေခေါက ယောရှိကို မေဂိဒေါမြို့မှာ  တွေ့ပြီး  သတ်ပစ်တယ်။+ ၃၀ ဒါနဲ့  မင်းမှုထမ်းတွေက ယောရှိရဲ့အလောင်းကို မေဂိဒေါမြို့ကနေ ဂျေရုဆလင်မြို့ဆီ မြင်းရထားနဲ့ သယ်လာပြီးမှ သူ့သင်္ချိုင်းဂူမှာ သင်္ဂြိုဟ်လိုက်တယ်။ ပြည်သူပြည်သားတွေက ယောရှိရဲ့သားတော် ယောခတ်ကို ဘိသိက်ပေးပြီး ခမည်းတော်နေရာမှာ မင်းမြှောက်ကြတယ်။+

၃၁ ယောခတ်+ နန်းတက်ချိန်မှာ အသက် ၂၃ နှစ်ရှိပြီ။  ဂျေရုဆလင်မြို့မှာ သုံးလစိုးစံတယ်။  မယ်တော်က လိဗနမြို့သား ယေရမိရဲ့သမီး ဟာမုတာလလို့ခေါ်တယ်။+ ၃၂ ယောခတ်လည်း ဘိုးဘေးတွေလိုပဲ  ယေဟောဝါရှေ့မှာ  မကောင်းတာ  လုပ်တယ်။+ ၃၃ ဖာရောနေခေါက+ သူ့ကို ဂျေရုဆလင်မြို့မှာ နန်းချပြီး ဟာမတ်နယ်မြေ၊ ရိဗလမြို့မှာ အကျဉ်းချထားလိုက်တယ်။+ တိုင်းပြည်ကိုလည်း ငွေ တဲလင့်* ၁၀၀ နဲ့ ရွှေ တစ်တဲလင့် ဒဏ်ရိုက်တယ်။+ ၃၄ ဒါ့အပြင် ယောရှိရဲ့သားတော် ဧလျာကိမ်ကို ခမည်းတော်ယောရှိနေရာမှာ မင်းမြှောက်ပြီး ယောယကိမ်လို့  နာမည်ပြောင်းပေးလိုက်တယ်။  ယောခတ်ကိုတော့  အီဂျစ်ပြည်ဆီ ခေါ်သွားတဲ့အတွက်+ အဲဒီမှာပဲ သူသေဆုံးသွားတယ်။+ ၃၅ ယောယကိမ်က ဖာရောနေခေါကို ရွှေငွေတွေ ဆက်ရတယ်။ သူတောင်းတဲ့ငွေကို ပေးနိုင်ဖို့ တိုင်းပြည်မှာ အခွန်ကောက်ခံတယ်။ ပြည်သူပြည်သား အားလုံးဆီကနေ သတ်မှတ်ထားတဲ့နှုန်းအတိုင်း ရွှေငွေတွေကို အတင်းအကျပ် ကောက်ခံတယ်။

၃၆ ယောယကိမ်+ နန်းတက်ချိန်မှာ အသက် ၂၅ နှစ်ရှိပြီ။ ဂျေရုဆလင်မြို့မှာ ၁၁ နှစ်စိုးစံတယ်။+ မယ်တော်က ရုမမြို့သား ပေဒဲယရဲ့သမီး ဇေဗုဒလို့ခေါ်တယ်။ ၃၇ ယောယကိမ်က ဘိုးဘေးတွေလိုပဲ+ ယေဟောဝါရှေ့မှာ မကောင်းတာကို ဆက်လုပ်တယ်။+