ဒုတိယနှင့် တတိယ “နေ့ရက်များ”

ဖန်ဆင်းရှင်သည် တတိယဖန်ဆင်းရာ “နေ့ရက်” တွင် ခြောက်သွေ့သည့်ကုန်းမြေကို မပေါ်ထွန်းစေမီ ရေအချို့ကို အထက်သို့ တက်စေတော်မူခဲ့သည်။ အကျိုးဆက်အဖြစ် ကမ္ဘာမြေကြီးကို ရေခိုးရေငွေ့ စောင်ကြီးတစ်ထည်က လွှမ်းခြုံထားလိုက်သည်။c အသုံးပြုခဲ့သည့် ဖြစ်စဉ်နည်းစနစ်ကို ရှေးမှတ်တမ်းက မဖော်ပြချေ။ ဖော်ပြရန်လည်းမလိုပေ။ ယင်းအစား၊ သမ္မာကျမ်းစာက အထက်ရေနှင့် မျက်နှာပြင်ရေစပ်ကြားရှိ မိုးမျက်နှာကြက်ကိုသာ အာရုံစိုက်ဖော်ပြ၏။ ယင်းကို မိုးကောင်းကင်ဟူ၍ သမုတ်၏။ ဤဝေါဟာရကို ယနေ့ထက်တိုင် လူတို့က ကျေးငှက်သာရကာများနှင့် လေယာဉ်များ ပျံသန်းရာ ကမ္ဘာ့လေထုအတွက် အသုံးပြုလျက်ရှိသည်။ အချိန်တန်သောအခါ ဘုရားသခင်သည် ဤကမ္ဘာ့လေထုမိုးကောင်းကင်ကို သက်ရှိအတွက်အရေးပါသော ဓာတ်ငွေ့နှောဖြင့် ပြည့်စေတော်မူ၏။