^၁၂ ဟေဇကိ ဘာကြောင့် မာနစိတ် ဝင်လာတယ်ဆိုတာ ကျမ်းစာမှာ မဖော်ပြထားဘူး။ အဆီးရီးယားတွေကို အောင်နိုင်လို့၊ ဘုရားသခင် အံ့ဖွယ်နည်းနဲ့ ရောဂါပျောက်စေခဲ့လို့ ဖြစ်နိုင်တယ်။ “များစွာသော စည်းစိမ်ဥစ္စာ၊ ဂုဏ်အသရေ ရှိ” လို့လည်း ဖြစ်နိုင်တယ်။ ဘာပဲဖြစ်ဖြစ် “မိမိခံရသော ကျေးဇူးတော်နှင့် အထိုက်အလျောက် မကျင့်” ဘဲ မာနထောင်လွှားခဲ့တယ်။ ဝမ်းနည်းစရာပါပဲ။ ယေဟောဝါကို စုံလင်တဲ့ စိတ်နှလုံးနဲ့ ဝတ်ပြုခဲ့ပေမဲ့ ယေဟောဝါ မနှစ်သက်တာကို တစ်ခဏတော့ လုပ်မိခဲ့တယ်။ နောက်ပိုင်း “ကိုယ်ကို နှိမ့်ချ” ခဲ့တဲ့အတွက် သူနဲ့ ပြည်သူ/သားတွေ ဘုရားသခင့် အမျက်တော်ကနေ လွတ်မြောက်ခဲ့ကြတယ်။—၆ ရာ. ၃၂:၂၅-၂၇။ ဆာ. ၁၃၈:၆။

^၁၄ ချီးမွမ်းခံရတဲ့အခါ ယေရှုရဲ့ ဒီစကားတွေကို လိုက်နာသင့်တယ်- “သင်တို့သည် စေခိုင်းသမျှကို ဆောင်ရွက်ပြီးသောအခါ ‘ငါတို့သည် အသုံးမကျသောကျွန်များ ဖြစ်ကြ၏။ ဆောင်ရွက်သင့်ရာများကိုသာ ငါတို့ ဆောင်ရွက်ခဲ့ကြ၏’ ဟုဆိုကြလော့။” (လု. ၁၇:၁၀) ဒီကိစ္စမှာလည်း ဟေဇကိရဲ့ အတွေ့အကြုံကနေ သင်ယူနိုင်ပါတယ်။ ဟေဇကိဟာ မာနထောင်လွှားလာပြီး “မိမိခံရသော ကျေးဇူးတော်နှင့် အထိုက်အလျောက် မကျင့်” ခဲ့ဘူး။ ကျွန်တော်တို့အတွက် ယေဟောဝါ လုပ်ဆောင်ပေးခဲ့တာတွေကို တွေးတောဆင်ခြင်ခြင်းက ဘုရားသခင် မုန်းတဲ့သဘောထားကို ရှောင်ဖို့ ကူညီပေးပါလိမ့်မယ်။ ယေဟောဝါကို ကျွန်တော်တို့ ကျေးဇူးတင်ချီးမွမ်းနိုင်တယ်။ မိမိလူမျိုးကို ကူညီပေးဖို့ ကျမ်းစာနဲ့ သန့်ရှင်းသော စွမ်းအားတော်ကို ဘုရားသခင် ပြင်ဆင်ပေးထားတယ်။