၁၂။ (က) ဥပဒေသစ်အကြောင်း သိရှိသည်နှင့် ဒံယေလ ဘာလုပ်သနည်း။ (ခ) မည်သူတို့က ဒံယေလကို စောင့်ကြည့်နေကြသနည်း။ အဘယ်ကြောင့်နည်း။

^၁၂ ဆုတောင်းခြင်းကိုကန့်သတ်သည့် ၎င်းဥပဒေအကြောင်းကို ဒံယေလ မကြာမီအတွင်း သိရှိလာသည်။ ထိုခဏချင်းတွင် မိမိနေအိမ်သို့ပြန်၍ ယေရုရှလင်မြို့ဘက်သို့ မျက်နှာပြုရာ ပြတင်းပေါက်များ ပွင့်လျက်ရှိသော အိမ်ခေါင်မိုး အထက်ခန်းသို့ဝင်လေ၏။b ဒံယေလသည် ‘ယခင်က ပြုလေ့ရှိသည်အတိုင်း’ ဘုရားသခင်အား စတင်ဆုတောင်းလေ၏။ မိမိတစ်ဦးတည်းရှိသည်ဟု ဒံယေလ ထင်ကောင်းထင်မည်ဖြစ်သော်လည်း ပူးပေါင်းကြံစည်သူတို့က သူ့ကို စောင့်ကြည့်နေကြသည်။ ရုတ်တရက် သူတို့ ‘စုရုံးဝင်ရောက်’ လာကြသည်၊ ဒါရိမင်းထံ အခစားဝင်စဉ်ကကဲ့သို့ပင် ရုတ်ရုတ်သဲသဲ လှုပ်လှုပ်ရှားရှား ဖြစ်နေကြမည်မှာ ယုံမှားဖွယ်မရှိ။ ဒံယေလသည် ‘ဘုရားသခင်ထံ ဆုတောင်းပတ္ထနာ ပြုလျက်နေသည်ကို’ ယခု သူတို့ကိုယ်တိုင် မျက်မြင်ဒိဋ္ဌ တွေ့မြင်ကြရ၏။ (ဒံယေလ ၆:၁၀၊ ၁၁) ဘုရင်ခံချုပ်မင်းနှင့် ဘုရင်ခံမင်းတို့သည် ရှင်ဘုရင်ရှေ့ ဒံယေလကို စွဲချက်တင်ရန် လိုအပ်သည့် သက်သေအထောက်အထား အလုံအလောက်ရှိနေပေပြီ။