“နောက်ကျသောသူများတို့သည် အရင်ကျကြလိမ့်မည်။ အရင်ကျသောသူအများတို့သည် နောက်ကျကြလိမ့်မည်” ဟုနှုတ်မြွက်၍ အဆုံးသတ်ကာမျှရှိသေးသည်။ ယခု ဤအချက်ကို ပုံပြင်တစ်ပုဒ်ဖြင့် ဥပမာဆောင်၍ပြောပြသည်။ “ကောင်းကင်နိုင်ငံတော်သည် စပျစ်ဥယျာဉ်ကိုလုပ်ဆောင်သောသူတို့ကို ငှားခြင်းငှာ နံနက်စောစောထွက်သွားသော အိမ်ရှင်နှင့်တူ၏” ဟု အစချီတော်မူသည်။

အိမ်ရှင် သို့မဟုတ် စပျစ်ဥယျာဉ်ပိုင်ရှင်သည် ယေဟောဝါဘုရားသခင်ဖြစ်ပြီး စပျစ်ဥယျာဉ်သည် ဣသရေလလူမျိုးဖြစ်သည်။ စပျစ်ဥယျာဉ်လုပ်သားများမှာ ပညတ်ပဋိညာဉ်အတွင်းသို့ဆောင်ကြဉ်းခံရသူများဖြစ်ပြီး အထူးသဖြင့် တမန်တော်များလက်ထက်ရှိ ဂျူးများကိုဆိုလိုပါသည်။ တစ်နေ့တာလုံး လုပ်ဆောင်မည့်လုပ်သားများနှင့်သာ လုပ်ခသဘောတူညီချက် ပြုလုပ်ခဲ့သည်။ တစ်နေ့တာလုပ်ခမှာ ဒေနာရိတစ်ပြားဖြစ်သည်။ “တစ်ချက်တီး” အချိန်သည် နံနက် ၉ နာရီဖြစ်ရာ တစ်ချက်တီး၊ နှစ်ချက်တီး၊ သုံးချက်တီးနှင့် ဆယ့်တစ်နာရီအချိန်တို့တွင် အခေါ်ခံရသူတို့၏ အလုပ်ချိန်များမှာ ၉ နာရီ၊ ၆ နာရီ၊ ၃ နာရီနှင့် ၁ နာရီအသီးသီးဖြစ်ပါသည်။