၂၀၁၆ နှစ်ချုပ်ကျမ်းချက်
“သင်တို့၏ ညီရင်းအစ်ကိုကဲ့သို့ ချစ်ခြင်းကို ဆက်တင်ပြကြလော့။”—ဟေဗြဲ ၁၃:၁
“လူအများတို့သည် . . . အချင်းချင်း မုန်းကြလိမ့်မည်။ . . . လူအများစုတို့တွင် ချစ်ခြင်းမေတ္တာ ခေါင်းပါးလိမ့်မည်။” (မ. ၂၄:၁၀၊ ၁၂) ဂျေရုဆလင်မြို့ ဖျက်ဆီးခံရတဲ့ စီအီး ၇၀ မတိုင်ခင်နှစ်တွေအတွင်း လူတွေ မေတ္တာတရားခေါင်းပါးလာမယ်လို့ ယေရှုကြိုပြောခဲ့တယ်။ ခရစ်တော်ရဲ့တပည့်တွေကိုတော့ သူတို့ပြတဲ့မေတ္တာကိုကြည့်ပြီး ခွဲခြားသိမြင်နိုင်ပါလိမ့်မယ်။ (ယော. ၁၃:၃၅) ဂျေရုဆလင်မြို့မှာရှိတဲ့ ဟေဗြဲခရစ်ယာန်တွေအနေနဲ့ သူတို့ရဲ့ညီရင်းအစ်ကိုမေတ္တာကို အသိအမှတ်ပြုတဲ့၊ အဲဒီမေတ္တာကို ဆက်တင်ပြဖို့အားပေးတဲ့ ပေါလုရဲ့စာကိုဖတ်ရတဲ့အခါ ဘယ်လောက်တောင် အားရှိသွားလိုက်မလဲ။
ဒီနေ့လည်း စာတန့်လောကစနစ်တစ်ခုလုံး ဖျက်ဆီးခံရမယ့်အချိန် နီးနေပြီ။ ပထမရာစုခရစ်ယာန်တွေလို ကျွန်တော်တို့လည်း ငွေတပ်မက်သူ၊ အပျော်အပါးနှစ်သက်သူ၊ ကိုယ့်ကိုယ်ကိုယ်ချစ်သူ၊ ဘုရားနဲ့လူလူချင်းကို မချစ်သူတွေကြားမှာ အသက်ရှင်နေရတယ်။ (၂ တိ. ၃:၁-၄) ကမ္ဘာတစ်ဝန်းက ယေဟောဝါသက်သေတွေကြားမှာ ညီရင်းအစ်ကိုမေတ္တာ ရှင်သန်တိုးပွားနေပါတယ်။ ညီရင်းအစ်ကိုမေတ္တာကို ဆက်တင်ပြခြင်းအားဖြင့် မေတ္တာရှင် ယေဟောဝါဘုရားကို ချီးမွမ်းဂုဏ်တင်ကြပါစို့။