၄၊ ၅။ ပုံဥပမာထဲက သခင်ဟာ ဘယ်သူ့ကို ဆိုလိုသလဲ။ တဲလင့်ဆိုတာ ဘာလဲ။

^၄ မဿဲ ၂၅:၁၄–၃၀ ကိုဖတ်ပါ။ တဲလင့်ပုံဥပမာမှာ ယေရှုက ခရီးဝေးသွားတော့မယ့် လူတစ်ယောက်အကြောင်း ပြောတယ်။ အလားတူပုံဥပမာမှာလည်း ယေရှုက မင်းရိုက်ရာကို ဆက်ခံဖို့ ခရီးဝေးသွားတဲ့ လူတစ်ယောက်အကြောင်း ပြောတယ်။d (လု. ၁၉:၁၂) လွန်ခဲ့တဲ့နှစ်ပေါင်းများစွာကတည်းက အဖွဲ့အစည်းထုတ် စာပေတွေမှာ အဲဒီပုံဥပမာနှစ်ခုစလုံးမှာပါတဲ့ လူ ဒါမှမဟုတ် သခင်ဟာ ယေရှုကို ဆိုလိုတယ်၊ ယေရှုဟာ အေဒီ ၃၃ မှာ ကောင်းကင်တက်သွားတယ်ဆိုပြီး ရှင်းပြခဲ့တယ်။ ဒါပေမဲ့ ယေရှုဟာ ကောင်းကင်ရောက်တာနဲ့ ချက်ချင်း ဘုရင်ဖြစ်သွားတာမဟုတ်ဘူး။ “ရန်သူတို့ကို မိမိခြေတင်ရာအဖြစ် ချထား” တဲ့အချိန် ၁၉၁၄ ခုနှစ်အထိ စောင့်ဆိုင်းခဲ့ရတယ်။—ဟေဗြဲ ၁၀:၁၂၊ ၁၃။