ယေရှု အခုလို ပြောတယ်– “ဘုရားကို မှီခိုဖို့ လိုအပ်မှန်း သိမြင်သူတွေ ပျော်ရွှင်ချမ်းမြေ့တယ်။ ကောင်းကင်နိုင်ငံဟာ သူတို့အတွက် ဖြစ်လိမ့်မယ်။ ဝမ်းနည်းပူဆွေးသူတွေ ပျော်ရွှင်ချမ်းမြေ့တယ်။ သူတို့ နှစ်သိမ့်မှုရလိမ့်မယ်။ . . . ဖြောင့်မှန်တာကို လုပ်ချင်စိတ် ပြင်းပြသူတွေ ပျော်ရွှင်ချမ်းမြေ့တယ်။ သူတို့ ဆန္ဒပြည့်ဝလိမ့်မယ်။ . . . ဖြောင့်မှန်ရာကို လုပ်တဲ့အတွက် နှိပ်စက်ခံရသူတွေ ပျော်ရွှင်ချမ်းမြေ့တယ်။ ကောင်းကင်နိုင်ငံဟာ သူတို့အတွက် ဖြစ်လိမ့်မယ်။ ခင်ဗျားတို့ဟာ ကျွန်တော့်ကြောင့် ကဲ့ရဲ့ညှဉ်းဆဲခံရတဲ့အခါ . . . ပျော်ရွှင်ချမ်းမြေ့တယ်။ . . . ဝမ်းမြောက်ရွှင်လန်းကြပါ။”—မဿဲ ၅:၃-၁၂။

ဘုရားကို မှီခိုဖို့ လိုအပ်မှန်း သိမြင်သူတွေ၊ အပြစ်ရှိတဲ့ အခြေအနေကြောင့် ဝမ်းနည်းသူတွေ၊ ဘုရားအကြောင်းသိလာပြီး ဝတ်ပြုကိုးကွယ်သူတွေဟာ တကယ်ပျော်ရွှင်တယ်လို့ ယေရှုပြောတယ်။ ဘုရားအလိုတော်ဆောင်လို့ အမုန်းခံရ၊ ညှဉ်းဆဲခံရရင်တောင် သူတို့ကို ဘုရားနှစ်သက်ပြီး ထာဝရအသက်ဆုချမယ်ဆိုတာ သိထားလို့ ပျော်ရွှင်ကြတယ်။