^၁၃ “ဂျေရုဆလင်မြို့ကနေ ယေရိခေါမြို့” သွားတဲ့ လမ်းနဲ့ပတ်သက်ပြီး လူသိများပြီးသား တခြားအချက်တွေလည်း ယေရှု ထည့်ပြောတယ်။ ပုရောဟိတ်တစ်ယောက်၊ အဲဒီနောက် လေဝိအမျိုးသားတစ်ယောက် အဲဒီလမ်းအတိုင်း လာပေမဲ့ ဒဏ်ရာရသူကို မကူညီကြဘူးလို့ ပုံဥပမာမှာ ပြောတယ်။ (လုကာ ၁၀:၃၁၊ ၃၂) ပုရောဟိတ်တွေက ဂျေရုဆလင် ဗိမာန်တော်မှာ အမှုဆောင်ကြပြီး လေဝိအမျိုးသားတွေက ကူညီပေးကြတယ်။ ဗိမာန်တော်မှာ အမှုမဆောင်ချိန်တွေဆိုရင် ဂျေရုဆလင်မြို့နဲ့ ၁၄ မိုင်လောက်ပဲ ဝေးတဲ့ ယေရိခေါမြို့မှာ နေကြတယ်။ ဒါကြောင့် ဒီလမ်းကို ခဏခဏ ဖြတ်ကြတယ်။ “ဂျေရုဆလင်မြို့ကနေ” တက်သွားတယ်လို့ မပြောဘဲ “ဆင်းသွား” တယ်လို့ ပြောတာလည်း သတိပြုပါ။ ဒါကိုလည်း နားထောင်သူတွေ သဘောပေါက်ကြတယ်။ ဂျေရုဆလင်မြို့ဟာ ယေရိခေါမြို့ထက် အထက်ပိုင်း ကျလို့ပဲ။ ဒါကြောင့် “ဂျေရုဆလင်မြို့ကနေ” လာတဲ့ ခရီးသည်ဟာ သေချာပေါက် အဆင်းလမ်း သွားရတယ်။b နားထောင်သူတွေ ဘာသိထားသလဲ ယေရှု ထည့်တွက်တာ ရှင်းနေပါတယ်။