“အကြီးအကျယ် ရုန်းရင်းဆန်ခတ် ဖြစ်လာ” (တ. ၁၉:၂၃-၄၁)

၁၆၊ ၁၇။ (က) ဒေမေတရိဟာ ဧဖက်မြို့မှာ ရုန်းရင်းဆန်ခတ် ဖြစ်အောင် ဘာလုပ်သလဲ။ (ခ) ဧဖက်မြို့သားတွေဟာ သူတို့ရဲ့ ဘာသာရေး တစ်ယူသန်စိတ်ကို ဘယ်လို ပြသလဲ။

^၁၆ စာတန် သုံးတဲ့ နည်းစနစ်ကို သုံးသပ်ကြည့်ရအောင်။ “သခင့်လမ်းစဉ်နဲ့ပတ်သက်ပြီး အကြီးအကျယ် ရုန်းရင်းဆန်ခတ် ဖြစ်လာတယ်” လို့ လုကာ ပြောတယ်။ လုကာ ချဲ့ကားပြောတာ မဟုတ်ဘူး။e (တ. ၁၉:၂၃) ငွေပန်းထိမ်သမား ဒေမေတရိ ပြဿနာ စလုပ်တယ်။ ရုပ်တု ရောင်းရလို့ ကြီးပွားနေတာလို့ ပန်းထိမ်သမားတွေကို ဒေမေတရိ သတိပေးလိုက်တယ်။ ခရစ်ယာန်တွေ ရုပ်တု မကိုးကွယ်ဖို့ ပေါလု ဟောတာဟာ မိမိတို့ရဲ့ စီးပွားရေး ပျက်အောင် လုပ်နေတာပဲလို့ ဆက်ပြောတယ်။ ဒါ့အပြင် ကိုယ့်မြို့၊ ကိုယ့်နိုင်ငံအတွက် ဧဖက်မြို့သားတွေ သိပ်ဂုဏ်ယူကြမှန်း သိနေလို့ ပေါလု ဟောတာတွေ နားထောင်ရင် ဘုရားမ အာတေမိနဲ့ ဘုရားမရဲ့ ကမ္ဘာကျော် ဗိမာန် “ဘုန်းအသရေ ညှိုးနွမ်းတော့မယ်” ဆိုပြီး ပရိသတ်ကို ဒေမေတရိ သတိပေးတယ်။—တ. ၁၉:၂၄-၂၇။