၂။ ယေဟောဝါကို ဘယ်လို ဝတ်ပြုကိုးကွယ်သင့်သလဲ။

ဖန်ဆင်းရှင် ယေဟောဝါကိုသာ ကိုးကွယ်ဆည်းကပ်ထိုက်တယ်။ (ဗျာဒိတ် ၄:၁၁) ယေဟောဝါကိုပဲ ချစ်ပြီး ဝတ်ပြုရမယ်။ ရုပ်တုဆင်းတုတွေ၊ ရုပ်ပုံတွေ မသုံးသင့်ဘူး။​—ဟေရှာယ ၄၂:၈ ကို ဖတ်ပါ။

ယေဟောဝါအတွက် ‘သန့်ရှင်းတဲ့၊ လက်ခံနိုင်ဖွယ်ဖြစ်တဲ့’ ဝတ်ပြုမှုမျိုး ဖြစ်ရမယ်။ (ရောမ ၁၂:၁) ဘုရားရဲ့စံနှုန်းတွေကို လိုက်နာရမယ်။ ဥပမာ၊ ယေဟောဝါကို ချစ်တဲ့သူတွေဟာ အိမ်ထောင်နဲ့ပတ်သက်တဲ့ ဘုရားစံနှုန်းတွေကို တန်ဖိုးထားပြီး လိုက်နာကြတယ်။ ဆေးလိပ်သောက်တာ၊ ကွမ်းစားတာ၊ မူးယစ်ဆေးသုံးတာ၊ အရက် အလွန်အကျွံသောက်တာစတဲ့ အန္တရာယ်ရှိ အကျင့်တွေကို ရှောင်ကြတယ်။a

၃။ ကျန်းမာရေး ဂရုစိုက်ပါ

ဆက်ကပ်အပ်နှံထားတဲ့ ခရစ်ယာန်တွေဟာ ယေဟောဝါအမှုဆောင်ဖို့ တစ်ဘဝလုံး ပေးထားကြတယ်။ မိမိတို့ရဲ့ ကိုယ်ခန္ဓာကို ပူဇော်သက္ကာအဖြစ် ဆက်သထားတဲ့ သဘောပါပဲ။ ရောမ ၁၂:၁၊ ၂ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• ကျန်းမာရေး ဂရုစိုက်ရတဲ့ အကြောင်းရင်းက ဘာဖြစ်သင့်သလဲ။

• ကျန်းမာရေး ဂရုစိုက်နိုင်တဲ့နည်းတချို့က ဘာတွေလဲ။