၁၂။ ၁ ပေတရု ၃:၁၈၊ ၂၂ အရ ယေရှုရဲ့ ထမြောက်ခြင်းဟာ အရင်က ထမြောက်ခြင်းတွေနဲ့ ဘယ်လို ကွာသလဲ။

^၁၂ “ခရစ်တော်ဟာ သေရာကနေ အသက်ပြန်ရှင်” လာတယ်ဆိုတာ ပေါလု ကိုယ်တွေ့ သိခဲ့တယ်။ ယေရှုရဲ့ ထမြောက်ခြင်းဟာ အရင်က ထမြောက်ခြင်းတွေထက် ပိုသာလွန်တယ်။ အရင်က ထမြောက်သူတွေဟာ ပြန်သေဆုံးသွားကြလို့ပဲ။ ယေရှုဟာ ‘သေခြင်းမှာ အိပ်ပျော်သွားသူတွေထဲမှာ ဦးဆုံးပဲ’ လို့ ပေါလု ပြောတယ်။ ဘယ်လိုသဘောနဲ့ ဦးဆုံး ဖြစ်သလဲ။ ယေရှုဟာ နာမ်ဝိညာဉ်ပုဂ္ဂိုလ်အဖြစ် ထမြောက်ပြီး ကောင်းကင်တက်တဲ့ လူသားတွေထဲမှာ ဦးဆုံး ဖြစ်လို့ပဲ။—၁ ကော. ၁၅:၂၀။ တ. ၂၆:၂၃။ ၁ ပေတရု ၃:၁၈၊ ၂၂ ကိုဖတ်ပါ။

၁၆။ ယေရှုဟာ “ဦးဆုံး” ဖြစ်တယ်လို့ ပေါလု ပြောတာ ဘာကို ဆိုလိုသလဲ။

^၁၆ ခရစ်တော်ဟာ ‘သေခြင်းမှာ အိပ်ပျော်သွားသူတွေထဲမှာ ဦးဆုံးပဲ’ လို့ ပေါလု ပြောတယ်။ လာဇရုတို့လို တခြားသူတွေ မြေကြီးပေါ် အသက်ပြန်ရှင်လာပေမဲ့ ယေရှုဟာ နာမ်ဝိညာဉ်ပုဂ္ဂိုလ်အဖြစ် ထမြောက်ပြီး ထာဝရအသက် ရသူတွေထဲမှာ ဦးဆုံး ဖြစ်တယ်။ ဘုရားဆီ အစ္စရေးတွေ ဆက်သတဲ့ သီးဦးသီးဖျားနဲ့ ယေရှုကို နှိုင်းယှဉ်နိုင်တယ်။ ယေရှုဟာ “ဦးဆုံး” ဖြစ်တယ်လို့ ပေါလု ပြောတဲ့အတွက် တခြားသူတွေလည်း ကောင်းကင်အသက်တာကို ဆက်ထမြောက်မယ်ဆိုတာ ထင်ရှားတယ်။ “ခရစ်တော်ရဲ့ တပည့်” ဖြစ်တဲ့ တမန်တော်တွေနဲ့ တခြားသူတွေဟာ အချိန်တန်တဲ့အခါ ယေရှုလိုပဲ ကောင်းကင်အသက်တာကို ထမြောက်ကြပါလိမ့်မယ်။