ပေါလု ရောမ၌ ဒုတိယအကြိမ် ထောင်ချခံရချိန် စီအီး ၆၅ ခန့်တွင် ဧဖက်မြို့ရှိ တိမောသေအား ခေါ်သောစာ၌ ဤသို့ ထပ်ဆင့်ပြောခဲ့သည်– “မာကုကို သင်နှင့်အတူ ခေါ်ခဲ့လော့။” (၂ တိ. ၄:၁၁) ထို့ကြောင့် ထိုအချိန်တွင် မာကုသည် ဧဖက်မြို့၌ ရှိနေသည်။ သူသည် ပေါလုပြောသည့်အတိုင်း တိမောသေနှင့်အတူ ရောမသို့သွားခဲ့မည်မှာ သေချာသည်။ ထိုအချိန်က ခရီးသွားခြင်းသည် မလွယ်ကူပါ၊ သို့သော် မာကုသည် ထိုခရီးများကို လိုလိုလားလား သွားခဲ့သည်။

‘အမှုဆောင်ရာတွင် ငါ့အတွက် အသုံးဝင်သောသူ’

ခရစ်ဝင်ကျမ်းရေးသားခြင်းက မာကု ရောမတွင် ရှိနေရသည့် တစ်ခုတည်းသောအကြောင်းရင်းမဟုတ်ပါ။ တိမောသေအား ပေါလုပြောဆိုခဲ့ရာကို သတိရပါ– “မာကုကို သင်နှင့်အတူ ခေါ်ခဲ့လော့။” ပေါလု၏အကြောင်းပြချက်မှာ အဘယ်နည်း။ ‘အမှုဆောင်ရာတွင် သူသည် ငါ့အတွက် အသုံးဝင်သောသူဖြစ်၏။’—၂ တိ. ၄:၁၁။

ဤအချက်သည် သက္ကရာဇ်စဉ်အရ သမ္မာကျမ်းစာတွင် မာကုအကြောင်း နောက်ဆုံးဖော်ပြချက်ဖြစ်သည်။ သို့သော် သူ့အကြောင်းကို များစွာသိရသည်။ မာကုကို သီအိုကရက်တစ်တာဝန်များဖြစ်သော တမန်တော်၊ ခေါင်းဆောင်၊ ပရောဖက်အဖြစ် မည်သည့်နေရာ၌မျှ မဖော်ပြထားပါ။ သူသည် အခြားသူများအတွက် အသုံးခံသူ သို့မဟုတ် အစေခံသူ အမှုဆောင်တစ်ဦးဖြစ်သည်။ ပေါလုမသေဆုံးမီ ဤအချိန်လေးတွင် မာကု၏ကူညီမှုမှ အကျိုးများစွာ ရရှိခဲ့မည်မှာသေချာသည်။