ဟေဗြဲ ၁၀:၂၄၊ ၂၅၊ သမ– “မေတ္တာနှင့်ကောင်းမှုကိုလုံ့လထုတ်အံ့သောငှာ တစ်ယောက်ကိုတစ်ယောက် ထောက်ထားခြင်း၊ အချို့တို့ဓလေ့အတိုင်း စည်းဝေးဝတ်ကိုမလှပ်ထားဘဲ နေ့တော်နီးကြောင်း သင်တို့မြော်မြင်သည့်အလျောက် အချင်းချင်းအား အထူးနှိုးဆော်ခြင်းများကို ပြုကြကုန်အံ့။” (ဤကျမ်းမိန့်ကိုနာခံနိုင်ရန် အမြဲတက်နိုင်သောခရစ်ယာန်စည်းဝေးများရှိဖို့လို၏။ ထိုသို့အစီအစဉ်သည် ကိုယ့်အရေးကိုသာတွေးနေမည့်အစား၊ သူတစ်ပါးပေါ်မေတ္တာသက်ရန်အားပေး၏။)

ကျွန်ုပ်တို့သည် ဘုရားသခင့်ပညတ်တော်ကို အရေးမစိုက်ဘဲနေလျှင် ကိုယ်တော်နှင့် ဆက်ဆံရေးကောင်းနိုင်မည်လော။ ပညတ်ချက်တစ်ချက်ကား၊ ယုံကြည်သူချင်းတို့နှင့် မှန်မှန်စည်းဝေးခြင်းတည်း။​—ဟေဗြဲ ၁၀:၂၄၊ ၂၅။

ကျမ်းစာဖတ်ပြီးမှ မကျင့်သုံးဘဲနေလျှင် ဘာအကျိုးမှမရှိ။ လူသည် ကျမ်းစာကိုယုံကြည်၍ ကျင့်သုံးလျှင် မှန်မှန်ကျင်းပသောအသင်းတော်စည်းဝေးများကိုတက်၍ ဘုရားသခင့်ကျေးကျွန်များနှင့် ပေါင်းသင်းပေလိမ့်မည်။ (ဟေဗြဲ ၁၀:၂၄၊ ၂၅) ထို့ပြင်၊ သူတို့နှင့်ပူးပေါင်း၍ ‘သတင်းကောင်း’ ကို အခြားသူတို့အား ဝေငှပေမည်။​—၁ ကော. ၉:၁၆; မာ. ၁၃:၁၀; မ. ၂၈:၁၉၊ ၂၀။