‘ခြေရာကို ထက်ကြပ်မကွာ လိုက်လျှောက်ပါ’

၂၀၊ ၂၁။ ကျွန်တော်တို့ဆီကနေ ယေဟောဝါ ဘာမျှော်လင့်သလဲ။ ဘာဆုံးဖြတ်ထားသင့်သလဲ။

^၂၀ မိမိနောက် လိုက်တာ မလွယ်ဘူး၊ ခံနိုင်ရည် လိုမယ်ဆိုတာ ယေရှု သိတယ်။ (ယောဟန် ၁၅:၂၀) မိမိစံနမူနာကို ကြည့်ပြီး တခြားသူတွေ အားရှိမယ်ဆိုတာ သိလို့ ရှေ့ဆောင်လမ်းပြခဲ့တယ်။ (ယောဟန် ၁၆:၃၃) ခံနိုင်ရည်နဲ့ပတ်သက်ပြီး ယေရှု အကောင်းဆုံး စံနမူနာ ပြပေမဲ့ ကျွန်တော်တို့ မစုံလင်ကြဘူး။ ဒါဆိုရင် ကျွန်တော်တို့ဆီကနေ ယေဟောဝါ ဘာမျှော်လင့်သလဲ။ “ခရစ်တော်ကိုယ်တိုင် ခင်ဗျားတို့အတွက် ဆင်းရဲဒုက္ခ ခံပြီး သူ့ခြေရာကို ထက်ကြပ်မကွာ လိုက်လျှောက်စေဖို့ စံနမူနာ ထားခဲ့တယ်” လို့ ပေတရု ပြောတယ်။ (၁ ပေတရု ၂:၂၁) အခက်အခဲတွေကို ယေရှု ရင်ဆိုင်ပုံဟာ ကျွန်တော်တို့ အတုယူရမယ့် “စံနမူနာ” ပဲ။a အခက်အခဲ ကြုံရချိန်မှာ ယေရှု ပြောခဲ့လုပ်ခဲ့တာတွေကို “ခြေရာ” နဲ့ ခိုင်းနှိုင်းနိုင်တယ်။ ယေရှုခြေရာ ကျွန်တော်တို့ တစ်ထပ်တည်း မနင်းနိုင်ဘူး။ နောက်ကနေတော့ “ထက်ကြပ်မကွာ” လိုက်နိုင်တယ်။