သီချင်း ၁၁၆
အလင်း လင်းသည်ထက်လင်းလာ
၁။ ရှေးပရောဖက်များ ခရစ်တော်အကြောင်း လေ့လာကြ၊
ညည်းတွားသူအားလုံးအတွက် မျှော်လင့်ချက်။
စွမ်းအားတော်ဖော်ပြ မေရှိယပေါ်လာကာ၊
ကယ်တင်ခြင်းလမ်းကို ပြင်ဆင်ပေးမှာ။
အချိန်တန်သောခါ မေရှိယအုပ်စိုးတာ၊
ကိုယ်တော့်ရောက်ရှိခြင်း ထင်ရှား၏။
ကောင်းကင်တမန်များပင် စေ့စေ့ကြည့်ရှုကြ၊
ယင်းကိုလေ့လာခွင့် ထူးမြတ်လှ၏။
(ထပ်ကျော့ပိုဒ်)
ငါတို့လမ်းခရီး လင်းသည်ထက်လင်း။
အလင်းဆုံးချိန်တွင် တို့လျှောက်ရ။
ဘုရားဖွင့်ပြရာများကိုရှုပါ။
ခြေလှမ်းတိုင်းကို လမ်းညွှန်ပေးသည်။
၂။ ယုံကြည်စိတ်ချရသောကျွန် သခင်ခန့်ထား၊
သူမှတစ်ဆင့်ပေး ချိန်တန်အစာ။
ချိန်တန်သမ္မာတရားအလင်း ပိုထွန်းလင်း၊
နှလုံးကိုစေ့ဆော်၊ ဆင်ခြင်စေတာ။
ငါတို့လမ်းပိုရှင်းလင်း၊ ခြေလှမ်းပိုခိုင်မာ၊
လင်းဆုံးချိန်တွင် တို့လျှောက်လှမ်းကြ။
အားလုံး ရှင်ယေဟောဝါကို ကျေးဇူးတင်ပါ၊
လမ်းတော်မှာ လေးမြတ်စွာ လိုက်လျှောက်ကြ။
(ထပ်ကျော့ပိုဒ်)
ငါတို့လမ်းခရီး လင်းသည်ထက်လင်း။
အလင်းဆုံးချိန်တွင် တို့လျှောက်ရ။
ဘုရားဖွင့်ပြရာများကိုရှုပါ။
ခြေလှမ်းတိုင်းကို လမ်းညွှန်ပေးသည်။
(ရော. ၈:၂၂; ၁ ကော. ၂:၁၀; ၁ ပေ. ၁:၁၂ တို့ကိုလည်းကြည့်ပါ။)