အသင်းတော်တွင် ကျွန်ုပ်တို့၏နိုင်ငံတော်ဓမ္မအမှုကို ထမ်းဆောင်ခြင်း

^၁ ခရစ်ယာန်အသင်းတော်၏ခေါင်း ယေရှုခရစ်အားဖြင့် “သစ္စာရှိကျေးကျွန်” သို့မဟုတ် ဘဏ္ဍာစိုးအား ယေဟောဝါတာဝန်အပ်နှင်းထားတော်မူသည်။ (လုကာ ၁၂:၄၂၊ ၄၃) ဤအစီအစဉ်ကြောင့် “ဘုရားသခင်၏အိမ်တော်၌ အဘယ်သို့ကျင့်ကြံပြုမူရမည်ကို” သိရှိရန် ပုံနှိပ်ထားသည့်ညွှန်ကြားချက်များ ရရှိနိုင်ပေပြီ။ (၁ တိ၊ ၃:၁၅) အဘယ်ညွှန်ကြားချက်များရှိသည်ကို ရှာဖွေရန် အဓိကလက်နက်မှာ Watch Tower Publications Index ဖြစ်သည်။ ယင်းသည် မည်သို့အကူအညီဖြစ်နိုင်မည်နည်း။ အင်္ဂလိပ်စာမဖတ်တတ်သောသူများသည် ဤစာအုပ်တွင် အဘယ်အကြောင်းများရှိသည်ကို သတိပြုကြကာ နောင်ခါတွင် သိလိုသည့်အကြောင်းရှိလျှင် အသင်းတော်ရှိအခြားသူတို့အကူအညီဖြင့် ရှာယူလေ့လာနိုင်မည်။

^၂ အသင်သည် အကြီးအကဲတစ်ဦးလော။ သင့်တာဝန်များနှင့်စပ်လျဉ်း၍ “အကြီးအကဲများ” နှင့် “ကြီးကြပ်မှူးများ” ခေါင်းစဉ်အောက်တွင် ရှာယူနိုင်သည်။ “အကြီးအကဲများ” အပိုင်းတွင် အသင်းတော်ရှိသူအသီးသီးတို့အား ကူညီပေးခြင်းနှင့်ပတ်သက်သည့်အကြောင်းများကို ကိုးကားထားသည့်အချက်များပါသည်။ မည်သို့ဆုံးမပေးသင့်ကြောင်း၊ အကြီးအကဲများအဖွဲ့တွင် ဆက်ဆံပုံ၊ အကြီးအကဲများ၏တာဝန်များအစရှိသည်တို့ကို ကိုးကားထားသည်။ အရည်အချင်းများနှင့်ပတ်သက်သည့် ကိုးကားချက်များကို “ကြီးကြပ်မှူးများ” ခေါင်းစဉ်အောက်တွင်ပါသည်။ ယင်းတို့ကိုဆွေးနွေးလိုလျှင် ဤဝေါဟာရကို သမ္မာကျမ်းစာသုံးလေ့ရှိသည်။ “ကြီးကြပ်မှူးများ” ခေါင်းစဉ်အောက်တွင် “ဦးစီးကြီးကြပ်မှု၊” “လုပ်ငန်းတော်ကြီးကြပ်မှူး၊” “အတွင်းရေးမှူး” အစရှိသည့်တာဝန်များဖေါ်ပြထားသည်။ အဓိကခေါင်းစဉ် “အသင်းတော်များ” အောက်တွင်လည်း အထောက်အကူပြုသောအချက်အလက်များတွေ့ရှိနိုင်သည်။

^၃ ဓမ္မအမှုထမ်းများဖြစ်သော အသင်ညီအစ်ကိုများလည်း အသင်းတော်တွင်အရေးကြီးပါသည်။ “ဓမ္မအမှုထမ်းများ” ခေါင်းစဉ်အောက်တွင် သင်တို့၏အရည်အချင်းများနှင့်တာဝန်များကို ဖေါ်ပြထားပါသည်။ သင့်အတွက်လုပ်ငန်းတော်အခွင့်အရေးများ၏အရေးကြီးမှုအကြောင်း ကိုးကားချက်များကိုတွေ့ရှိမည်။ ထပ်ဆင့်တာဝန်များကို မည်သို့လှမ်းယူနိုင်သေးကြောင်းကိုလည်း ဖေါ်ပြထားသည်။

^၄ အသင်းတော်အစည်းအဝေးများနှင့်ပတ်သက်၍ အကြီးအကဲနှင့်ဓမ္မအမှုထမ်းများပါ အခွင့်အရေးများထမ်းရွက်နိုင်သည်။ “စည်းဝေးများ” ခေါင်းစဉ်အောက်တွင် ယင်းနှင့်ပတ်သက်သောအကြောင်းကို အဖက်ဖက်မှဆွေးနွေးချက်တို့ကို ကိုးကားပြထားသည်။ “တက်ရောက်ရန်ကြိုးစားမှုများ” အောက်တွင် သဲလှိုက်ရင်ဖိုပုံသက်သေများစွာပါသည်။ စည်းဝေးတစ်ခုစီအတွက် အဓိကခေါင်းစဉ်များရှိသေးသည်။

^၅ ဆာလံ ၆၈:၁၁ (NW ) ကဤသို့ဆိုသည်။ “သတင်းကောင်းပြောသောအမျိုးသမီးများသည် တပ်မဟာဖြစ်သည်။” အသင်းတော်ရှိညီအစ်ကိုများနည်းတူ ဘုရားသခင်၏အိမ်တော်တွင် ညီအစ်မများလည်း လျောက်ပတ်သောအကျင့်ကိုကျင့်သင့်သည်။ တစ်ခါတစ်ရံ ညီအစ်မများသည် အဘယ်အချိန်တွင် ခေါင်းအုပ်ဖို့လိုကြောင်း၊ အစည်းအဝေးတွင်ဦးစီးရန်၊ အသင်းတော်ကိုယ်စားဆုတောင်းပေးရန် အရည်အချင်းရှိညီအစ်ကိုမရှိပါက မည်သို့ပြုအပ်ကြောင်း၊ အစရှိသည်နှင့်ပတ်သက်၍ မေးခွန်းများပေါ်လာတတ်သည်။ “အမျိုးသမီးများ” ခေါင်းစဉ်အောက်တွင် ဤအကြောင်းများကို ရှာယူနိုင်သည်။ “ညီအစ်မများ၊” “ခေါင်းအုပ်ခြင်း၊” နှင့် “ဆုတောင်းခြင်း” ခေါင်းစဉ်များသည်လည်း အထောက်အကူဖြစ်သည်။

^၆ ၁ တိမောသေ ၃:၁၅ ၏နိဂုံးပိုင်းတွင် ခရစ်ယာန်အသင်းတော်သည် “သမ္မာတရား၏အမှီတကဲ၊ သမ္မာတရား၏တည်ရာ” ဖြစ်သည်ဟု ဖေါ်ပြထားသည်။ အသင်းတော်တွင် ကျွန်ုပ်တို့၏နိုင်ငံတော်ဓမ္မအမှုကိုထမ်းဆောင်ခြင်းအားဖြင့် ဘုရားသခင်၏အိမ်ထောင်စု၌လျောက်ပတ်စွာကျင့်၍ သမ္မာတရားကိုထောက်ခံခွင့်ကား ကျွန်ုပ်တို့အခွင့်အရေးဖြစ်ပေသည်။