သီချင်း ၂၂၂
ဆုလာဘ်တော်ကိုမျက်ခြည်မပြတ်စေနှင့်!
၁။ မျက်မမြင်သူမျက်မြင်၍လာ၊
နားပင်းသူ တစ်ဖန်နားကြားရာ
သဲကန္တာရပွင့်လန်းပန်းများ၊
မြေမာပေါ်ဖြာစီးဆင်းရေများ
ခြေကျိုးသမင်လိုခုန်ပေါက်ကြ၊
တွယ်တာခွဲခွာ မလိုဘယ်ခါ
မင်္ဂလာရှိချိန်သင်တွေ့ရ၊
ဆုလာဘ်တော် မျက်ခြည်မပြတ်က
၂။ ဆွံ့အသောသူစကားပြောပြန်၊
အိုရွယ်သူများနုပျိုလာပြန်
ကြွယ်ဝသမျှမြေပေါ်တွေ့မြဲ၊
ကောင်းမြတ်တရားဘယ်တော့မစဲ
ကလေးသူငယ် သီချင်းသံကျူး၊
နေရာတိုင်းတွင် ငြိမ်သက်ရွှင်မြူး
သေလွန်သူများ ပြန်လာမြင်ရ၊
ဆုလာဘ်တော် မျက်ခြည်မပြတ်က
၃။ ဝံပုလွေနှင့်သိုးငယ်တူနေ၊
ဝက်ဝံနှင့် နွားငယ်တူစားလေ
လူငယ်ကလေး သူတို့ ခေါ်ဆောင်၊
သူငယ် အသံကိုလည်းနားထောင်
မျက်ရည်ကျခြင်းစိုးရိမ်ပူပင်၊
ကြောက်ရွံ့နာကျင် ပျောက်ကွယ်သည်တွင်
ဘုရားရှင်ပြုလုပ်ကြောင်း နားလည်၊
ဆုလာဘ်တော် မျက်ခြည်မပြတ်ဖွယ်