သီချင်း ၁၁၉
လာကြ၊ လန်းဆန်းမှုရယူကြ
၁။ လမ်းချော်၊ ဇွတ်တရွတ်နိုင်၊ ထင်ရာစိုင်း လောက၊
ဘုရား၏နည်းလမ်း မသိကြ။
တို့ခြေလှမ်းများ တို့ဘာသာ မစောင့်ထိန်းနိုင်၊
စိတ်ချရသည့်လမ်းညွှန် လိုအပ်။
တို့ရဲ့စည်းဝေးများက တို့စိတ်ကိုလန်းစေ၊
တောက်ပစေ တို့ရဲ့မျှော်လင့်ခြင်း။
ယုံကြည်ခြင်း တို့တည်ဆောက်၍ ကောင်းမှုပြုရန်၊
ဆက်လျှောက်လှမ်းဖို့ အားခွန်တွေပေး။
ယေဟောဝါအမိန့်တော်များ တို့မပစ်ပယ်၊
လုပ်ဆောင်လိုကြ အလိုတော်အား။
လမ်းမှန်ကို တို့အားညွှန်ပြ တို့စည်းဝေးများ၊
အမှန်တရားချစ်စိတ် တိုးစေ။
၂။ ယေဟောဝါကောင်းစွာသိ တို့လိုအပ်ရာများ၊
တို့နားထောင်သင့် အကြံတော်များ။
တို့စုဝေးကြဖို့ အချိန်ဝယ်ယူခြင်းက
ဉာဏ်ပညာရှိကြောင်းကို ဖော်ပြ။
ဘုရားကြောက်သောယောက်ျားများ သွန်သင်ပေး၍
ပြသနိုင် တို့ရဲ့ယုံကြည်ခြင်း။
ယုံကြည်ခြင်းမိသားစုက ထောက်မပေး၍
ထီးတည်း တို့ဘယ်တော့မျှမဖြစ်။
ကောင်းမွန်လှသည့်အချိန်ကို တို့မျှော်စောင့်စဉ်၊
တို့ချစ်ရသူများနှင့်စုဝေး။
ထိုသို့စည်းဝေးများတွင် အထက်ဉာဏ်ပညာ
ဖြင့်အသက်ရှင်နည်း တို့သိရ။
(ဆာ. ၃၇:၁၈; ၁၄၀:၁; သု. ၁၈:၁; ဧ. ၅:၁၆; ယာ. ၃:၁၇ တို့ကိုလည်းကြည့်ပါ။)