အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—ကိုယ်ပိုင်တင်ဆက်နည်း ပြင်ဆင်ပါ

လုပ်ဆောင်နိုင်ပုံ–

‘နမူနာတင်ဆက်နည်းတစ်ခုခုကို ငါအသုံးပြုချင်လား’ လို့ ကိုယ့်ကိုယ်ကိုယ်မေးပါ။

သုံးချင်တယ်

• နိဒါန်းကို ပြင်ဆင်ပါ။ အိမ်ရှင်ကို နှုတ်ဆက်ပြီးနောက် လာရတဲ့အကြောင်းရင်းကို ပြောပြပါ။ (ဥပမာ– “ကျွန်တော်/ကျွန်မတို့ လာရတဲ့အကြောင်းရင်းက . . .”)

• မေးခွန်း၊ ကျမ်းချက်နဲ့ ဝေငှမယ့်စာပေကို တစ်ခုနဲ့ တစ်ခု ဘယ်လိုချိတ်ဆက်ပေးမလဲဆိုတာ စဉ်းစားပါ။ (ဥပမာ– ကျမ်းချက်ကို ဖတ်ပြနိုင်ဖို့ အခုလိုပြောနိုင်တယ်– “ဒီမေးခွန်းအတွက် ကျေနပ်လောက်တဲ့အဖြေကို ဒီမှာတွေ့နိုင်ပါတယ်။”)

မသုံးချင်ဘူး

• မဂ္ဂဇင်းထဲက သင်ကြိုက်နှစ်သက်ရာ ဒါမှမဟုတ် ရပ်ကွက်ကလူတွေ စိတ်ဝင်စားနိုင်မယ့် အကြောင်းအရာတစ်ခုကို ရွေးချယ်ပါ။

• အိမ်ရှင်ရဲ့သိချင်စိတ်ကို လှုံ့ဆော်ပေးမယ့်၊ စကားစမြည်စနိုင်မယ့် သဘောထားမေးခွန်း မေးပါ။ ဒါပေမဲ့ အိမ်ရှင်အတွက် စဉ်းစားရခက်စေတဲ့ မေးခွန်းမျိုးကို ရှောင်ပါ။ (ဥပမာ– မဂ္ဂဇင်းရဲ့စာမျက်နှာ ၂ မှာ မေးခွန်းတွေကို ဖော်ပြပေးထားတယ်။)

• ဖတ်မယ့်ကျမ်းချက်ကို ရွေးချယ်ပါ။ (နိုးလော့! ဝေငှမယ်ဆိုရင် ကျမ်းချက်ဖတ်၊ မဖတ်ကို ကိုယ်ပိုင်ဆုံးဖြတ်နိုင်တယ်။ ဒီမဂ္ဂဇင်းက ကျမ်းစာအသိပညာ သိပ်မရှိသူတွေ၊ ဘာသာတရား အယုံအကြည်မရှိသူတွေအတွက် ထုတ်ဝေထားတာဖြစ်တယ်။)

• ဆောင်းပါးကိုဖတ်ရင် ဘယ်လိုအကျိုးရနိုင်တယ်ဆိုတာ အိမ်ရှင်ကို တစ်ချက်နှစ်ချက်လောက် ပြောပြပါ။

လုပ်ရမှာက

• ပြန်လည်ပတ်နိုင်ဖို့ အိမ်ရှင်ကို မေးမယ့်မေးခွန်းကို တစ်ခါတည်း ပြင်ဆင်ပါ။

• နောက်တစ်ခေါက်ပြောမယ့် အကြောင်းအရာကို မှတ်မိအောင် မှတ်စုယူပါ။