သီချင်း ၁၁၄
ဘုရားသခင့်ကျမ်းစာ—မြတ်ရတနာ
၁။ စာတစ်အုပ်ရှိ၊ စာမျက်နှာများစွာပါ၊
လူအတွက် ငြိမ်သက်ပျော်ရွှင် မျှော်လင့်ချက်ပေး။
အံ့ဖွယ်ကြံရွယ်ရာ စွမ်းအားတန်ခိုးမဟာ၊
“မျက်ကန်း” မြင်လာ၊ “လူသေ” ပြန်သက်ရှင်လာ။
ထိုဖိုးထိုက်လှစာအုပ်ကား သမ္မာကျမ်းစာ။
မှုတ်သွင်းခံလူများ ထိုကျမ်းကိုရေးသား၊
ဘုရားယေဟောဝါကို သူတို့အမှန်ချစ်၊
ကိုယ်တော့်စွမ်းအားတော် သူတို့ကိုလှုံ့ဆော်။
၂။ သူတို့မှတ်တမ်းမှန်ပေး ဘုရားဖန်ဆင်းခြင်း၊
တန်ခိုးတော်ကြောင့်ပေါ်ပေါက် စကြဝဠာ။
မူလလူသား စုံလင်ကြောင်း သူတို့ပြောပြ၊
ပရဒိသုမည်သည့်နည်း ပျောက်ကွယ်သွား။
သူတို့ဆက်ပြောပြ ကောင်းကင်တမန်တစ်ပါး
ပုန်ကန် ဘုရား ယေဟောဝါ ချုပ်ခြာအား။
သို့ဖြင့် လူကို အပြစ်နှင့်ဒုက္ခသင့်စေ၊
သို့သော် မကြာမီ ယေဟောဝါအောင်မှာ။
၃။ ရွှင်လန်းမှုကန့်သတ်မဲ့ချိန်တွင် တို့သက်ရှင်။
ခရစ်တော်သခင်ဖြင့် ဘုရားနိုင်ငံတည်။
ဤနေ့မှာ ရှင်ယေဟောဝါ ကယ်တင်ခြင်းပေး၊
ညီညွတ်စည်းလုံးစွာ ထံတော်ချဉ်းသူများ။
ကိုယ်တော်စာအုပ်တွင် ဤဝမ်းမြောက်သတင်းပါ၊
ဝိညာဏစားပွဲကြီးဖြင့် ကျွေးမွေးမှာ။
လူမကြံစည်နိုင်သည့် ငြိမ်သက်ခြင်းပေးတာ၊
ဤသက်ရှင်ရတနာ လူတိုင်းဖတ်နိုင်ပါ။
(၂ တိ. ၃:၁၆; ၂ ပေ. ၁:၂၁ တို့ကိုလည်းကြည့်ပါ။)