သင်ခန်းစာ ၃
မေးခွန်းများကို အသုံးပြုခြင်း
မဿဲ ၁၆:၁၃-၁၆
အကျဉ်းချုပ်– စိတ်ဝင်စားမှုကို နှိုးဆွပြီး ဆက်စိတ်ဝင်စားနေစေဖို့၊ နားထောင်နေသူတွေနဲ့ ကျိုးကြောင်းဆင်ခြင်ဖို့၊ အရေးကြီးတဲ့အချက်တွေကို အလေးပေးဖို့ မေးခွန်းတွေကို လိမ္မာပါးနပ်စွာမေးပါ။
လုပ်ဆောင်နိုင်ပုံ–
စိတ်ဝင်စားမှုကို နှိုးဆွပေးပြီး ဆက်စိတ်ဝင်စားနေစေဖို့ ကြိုးစားပါ။ အဖြေမလိုတဲ့ မေးခွန်းတွေက နားထောင်နေသူတွေကို စဉ်းစားစေတယ်၊ ဒါမှမဟုတ် အဖြေသိချင်စိတ် ဖြစ်ပေါ်စေတယ်။
အကြောင်းအရာကို ကျိုးကြောင်းဆင်ခြင်ပါ။ မှန်ကန်တဲ့ကောက်ချက် ချစေနိုင်တဲ့ မေးခွန်းတွေ အဆင့်ဆင့်မေးပါ။ ဒီနည်းအားဖြင့် အကြောင်းအရာတစ်ခုကို ယုတ္တိရှိရှိ ကျိုးကြောင်းဆင်ခြင်နိုင်အောင် နားထောင်နေသူတွေကို ကူညီပေးပါ။
အရေးကြီးတဲ့အချက်တွေကို အလေးပေး ဖော်ပြပါ။ အဓိကအချက်တစ်ချက်ကို အစပြု ပြောဆိုဖို့ စိတ်ဝင်စားစရာ မေးခွန်းတစ်ခု မေးပါ။ အရေးကြီးတဲ့အချက်ကို ဆွေးနွေးပြီးတဲ့အခါ၊ ဒါမှမဟုတ် ဟောပြောချက်ကို နိဂုံးချုပ်တဲ့အခါ ပြန်လည်သုံးသပ်တဲ့ မေးခွန်းတွေ မေးပါ။