မျှော်လင့်ချက်နဲ့ အသက်ရှင်ပါ

ဘာကြောင့် အရေးကြီးသလဲ

မျှော်လင့်ချက် ရှိသူတွေဟာ ကောင်းတာတစ်ခုခု ဖြစ်လာပါစေဆိုပြီး ထိုင်စောင့်မနေကြပါဘူး။ လက်ရှိအခြေအနေမှာ အဆိုးထဲက အကောင်း ထွက်လာအောင် အတတ်နိုင်ဆုံး ကြိုးစားကြတယ်။ လေ့လာတွေ့ရှိမှုတွေအရ မျှော်လင့်ချက်နဲ့ အသက်ရှင်သူတွေဟာ . . .

• စိတ်ဓာတ်ပိုကြံ့ခိုင်ကြတယ်

• ဒေါင်ကျကျ ပြားကျကျ နေတတ်ကြတယ်

• ပိုပျော်ရွှင်ကျန်းမာစေမယ့် နေထိုင်မှုပုံစံကို ရွေးချယ်ကြတယ်

လုပ်ဆောင်နိုင်ရာ

ပထမ၊ လက်ရှိအချိန်မှာ ကျမ်းစာက ဘယ်လို ကူညီပေးနိုင်သလဲဆိုတာ ဆန်းစစ်ကြည့်ပါ။ ကုန်ဈေးနှုန်း မြင့်တက်တဲ့ဒဏ်ကို ကြံ့ကြံ့ခံနိုင်စေမယ့် လက်တွေ့ကျ အကြံပြုချက်တွေ ကျမ်းစာမှာ ရှိတယ်။ အဲဒီအကြံပြုချက်တွေက ဘဝကို လက်မြှောက်အရှုံးမပေးဖို့၊ လောလောဆယ်မှာကော အနာဂတ်မှာပါ ကိုယ်လုပ်နိုင်တာတွေ ရှိပါလားဆိုတာ မြင်လာဖို့ ကူညီပေးနိုင်တယ်။

ဒုတိယ၊ အနာဂတ်နဲ့ပတ်သက်ပြီး ကျမ်းစာမှာ ဘယ်လို ဖော်ပြထားသလဲဆိုတာ ဆန်းစစ်ကြည့်ပါ။ ကျမ်းစာအကြံပြုချက်တွေ လက်တွေ့ကျမှန်း တွေ့လာတဲ့အခါ ကျမ်းစာမှာ နောက်ထပ်ကော ဘာတွေများ ဖော်ပြထားသလဲ သိချင်မိနိုင်တယ်။ အနာဂတ်အကြောင်း ဖော်ပြထားတယ်ဆိုတာ သိရင် အံ့ဩသွားမလား။ ကျွန်တော်တို့ “မျှော်လင့်တဲ့ အနာဂတ်မျိုး” ပေးမယ်လို့ ကျမ်းစာမှာ ဘုရားသခင်ကိုယ်တိုင် ကတိပေးထားတယ်။ (ယေရမိ ၂၉:၁၁) အဲဒီကတိ ဘယ်လို ပြည့်စုံလာမလဲ။ ဘုရားသခင့်နိုင်ငံတော်အားဖြင့်ပါ။

ဘုရားသခင့်နိုင်ငံတော်ဆိုတာ ဘာလဲ။ ဘာတွေ လုပ်ဆောင်ပေးမလဲ

ဘုရားသခင့်နိုင်ငံတော်ဆိုတာ ကောင်းကင်မှာ အခြေစိုက်ပြီး ကမ္ဘာတစ်ခွင်လုံးကို အုပ်ချုပ်မယ့် အစိုးရပါ။ (ဒံယေလ ၂:၄၄။ မဿဲ ၆:၁၀) အောက်ပါကျမ်းချက်တွေမှာ ဖော်ပြထားတဲ့အတိုင်း ဆင်းရဲဒုက္ခမှန်သမျှကို အပြီးတိုင် ဖယ်ရှားပေးပြီး ငြိမ်သက်ခြင်း၊ ပြည့်စုံကုံလုံခြင်းကို ဆောင်ကြဉ်းပေးမယ်။

ဘုရားသခင်ဟာ “မုသာမသုံး” လို့ အဲဒီကတိတွေကို သန်းနဲ့ချီတဲ့ လူတွေ ယုံကြည်စိတ်ချကြတယ်။ (တိတု ၁:၂) သင်လည်း ကျမ်းစာကို လေ့လာဆန်းစစ်ကြည့်ပါလား။ ကျမ်းစာမှာ ပါတဲ့ မျှော်လင့်ချက်က အကျပ်အတည်းတွေကို ရင်ဆိုင်ဖို့ ခွန်အားရှိစေနိုင်တဲ့အပြင် အနာဂတ်ကိုလည်း ယုံကြည်စိတ်ချမှုအပြည့်နဲ့ လျှောက်လှမ်းဖို့ ကူညီပေးနိုင်တယ်။