¿Atsi toj atichunhayaj toj leyahin lewhayis toj letataye?

MʼAK TOJ BIBLIA YOME

«Dios [...] ilejihena nilhokej tatetʼilis, wet nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj. Tsi tajyäme mʼayhay tä pajche iche, noj tʼat» (Apocalipsis 21:3, 4, Dios Lhämtes tä Matchehen).

¿ATSI MʼAK TOJ TAMENEJ TOJ NAISEJ?

Lewʼenhila achumet toj aisej wet toj hiwʼenla amho akajyaj (Isaías 65:21-23).

Nofwila toj ahope nʼoelh toj letelaythayaj ihi wet toj tʼinhayaj ihi (Isaías 25:8; 33:24).

Akajyaj ihihla toj lelhayʼe hawʼet lheley wet akalayʼis pajlaʼtha tiyajʼattsiy (Salmo 37:11, 29).

¿HA ICHE MʼAYHAY TOJ TAMENEJ TOJ IS CHE NAMATITCHE MʼAK TOJ BIBLIA YOME?

Iche, natetshan dos:

•  Dios hiwʼen lakhajyhayaj hopkhilak yam wakʼalh lhometna. Dios lakhajyhayaj ihichetʼa mʼak che wʼawulhi, hop toj tamenej toj tajlhamet lham toj Biblia yen lheya toj yok «Dios tä najit [le]tumfwaya» (Apocalipsis 15:3). Toj malhyejtso, Dios wuj lakhajyhayaj toj hiwʼen hopkhilak inofwat mʼayhay toj niʼisahen wet ichajla alhoho nilhokej mʼayhay toj isis. Malhyej toj Biblia yome «Dios ihanej iwoyneje nilhokej mʼayhay» (Mateo 19:26).

•  Dios matche toj ihuminchek yam matche lhometna. Malhyej toja, wichi toj yʼinhen pʼante, Biblia yome toj Heowa matche toj ihuminchek inuhatchepha (Job 14:14, 15).

  Hate yome toj Jesús, hop Dios Lhas, ichesthen pʼante wichi. ¿Atsi toj tamenej toj iwoye pʼante tajtso? Hop toj ihuminche pʼante che iwoye tajtso (Marcos 1:40, 41). Mʼayhay toj Jesús iwoye pʼante iten tʼat mʼak toj Dios ihuminchek iwoye hopkhilak tachʼote wichi toj pʼalitses (Juan 5:19).

  Nilhokej mʼayhayna toj natetshanne ikalelhat namhohen toj Heowa wet Jesús tʼuhlak nawʼen lhakajyaj hop lewhayis toj natataye toj lhayʼe lhip toj is (Salmo 72:12-14; 145:16; 2 Pedro 3:9).