Dios yenlhi Honhat wet pele

Heowa Dios hope elh toj yenwetha namel. Lham yenwetha nilhokej mʼayhay: mʼayhay toj nʼal wet nanhitʼa. Toj kamaj yenhilhitʼa mʼayhay toj nawʼen, lham yenwetha wujpe ángeles. ¿Ha lehanej atsi iyhaj toj hopehen ángeles? Hopehen Heowa lakawos toj hate iwoye lham. Namel iwohiyetʼak nawʼen Heowa wet ángeles hate. Ángel toj ichun toj Heowa yenlhi hope pʼante lechʼotfwa. Lham tachʼote pʼante Heowa toj yenwetha katetsel, planetas wet mʼayhay iyhaj. Namel nehi tʼat elh planetatso, lhip toj nehi Honhat toj isilataj.

Toj paj, Heowa iwaklhat Honhat hopkhilak itshatay wet wichi ihi. Iwun fwala hopkhilak ihutunpe Honhat. Hate yenlhi chenhas, mar wet tewok.

Wet toj paj, ¿atsi mʼak toj iche? Heowa yok: «Athana oyenhilhila hʼaloy toj wʼenhahiche lhayʼe hʼaloy toj iwo lhaya». Toj malhyejtso iwo tesa toj iche wʼenhahiche frutas, verduras wet flores. Hate Heowa yenlhi wʼenhahiche itshatay: iyhaj toj fwiyʼahen, iyhaj toj tʼilinhen wet iyhaj toj lhaitonchehen honhat. Yenwetha itshatay toj lelemsas, malhyej conejos, wet iyhaj toj wus, malhyej elefantes. ¿Atsi itshatay toj lehumin?

Toj malhyejtso, Heowa ifwenho ángel toj ichun wet yok: «Nenlhi hinʼu». Wichi hatehitʼa iwoye itshatay. Iwoyek yenwetha mʼayhay, yamwetha, tʼischeywetha wet iwo tʼalhyajaye Dios. Tʼuhiyela itshatay wet Honhat. ¿Ha lehanej atsi hinʼu toj ichun toj nʼoyenlhi pʼante? Lhek natetshan.