Noé lehi

Toj yik tʼat lewhay, iche wujpe wichi toj ihi Honhat. Wujpe lhamel toj fwitses. Hate iche ángeles iyhaj toj lhayen hopeya iyhaj toj fwitses. Inukwehcha toj tʼalh pele wet ihoho Honhat. ¿Ha lehanej atsi mʼak toj tamenej? Hopkhilak lhayen hinʼuya wet iyej atsinhay.

Atsinhay toj iyej ángeles leles ihla lhamel. Toj leles lhaichiyhelthen wuj toj takhajayhen, fwitses wet iwoyeje mʼak toj niʼisa wichi. Heowa ihuminhitʼa che tajtso kamaj iche. Hop toj tamenej toj itayhat wichi toj niʼisahen wet ichumyenlhi pelhay toj wuj.

Mat iche pʼante hinʼu toj hatehitʼa iwoye iyhaj hop toj ihumin Heowa. Lhey Noé. Lham lechʼefwa ihi wet tres leles: Sem, Cam wet Jafet. Leles hate lechʼefwas ihi. Heowa tʼalhe pʼante Noé che yenlhi lehi toj wuj hopkhilak tʼilinpe inat. Toj malhyejtso, Noé wet lewʼet lheley iwoyek tafwayej pelhay toj wuj. Hate Heowa tʼalhe pʼante Noé che itato lehi wujpe itshatay hopkhilak hate tafwayhen.

Noé iwo tesa toj yenlhi lehi. Toj tafwaytshi 50 años wet nechʼe wakʼalh lehi toj lham wet lewʼet lheley yenlhi, wet lhamel yenlhi lehi malhyej toj Heowa ifwenho. Lewhaytso toj lhamel yenlhi lehi, Noé ifwenho wichi toj namla pelhay toj wuj, mat ihichetʼa elh che tachʼahuye.

Wet ichate lewhay toj lhamel tiyajo lehi. ¿Ha lewatlak lehanej mʼak toj iche toj paj?