Heowa itelaytej tʼat Jonás

Iche ciudad toj ihi Asiria toj lhey Nínive, wichi toj ihi pʼante matche toj fwitses. Heowa ichene laka profeta Jonás hopkhilak ihoye Nínive wet ifwenho wichi toj ihi lhiptso toj is che iwo elha lehusek. Mat Jonás ihohiyetʼa Nínive, tiyaje lhip elh wet ihoho barco toj ihoye Tarsis.

Lewhay toj barco iʼpe inat, iche pelhay toj matche toj aytaji, wet wichi toj ihi matche toj nowayhen. Iwo tʼalhyajaye laka dioses wet yʼatshane toja: «¿Atsi mʼak toj tamenej toj inʼoyejen toja?». Toj lepes, Jonás yok: «Otes tʼat. Oyik tʼat hopkhilak owohiyetʼa mʼak toj Heowa tʼalh nʼoye. That nʼoho inat hopkhilak pelhay takasit». Wichi toj ihi barco tʼuhitʼahlak ithate inat hop Jonás, mat lham inityenej lhamel hopkhilak iwoye tʼat tajtso. Nʼothate inat lham wet pelhay takasit.

Jonás imatitche toj yʼinhila. Toj lham yʼuyhcha tʼat toj ihi inat, iwo tʼalhyajaye hop Heowa. Toj malhyejtso Heowa ichene wʼahat toj matche toj wuj hopkhilak tim Jonás, mat ilanhitʼa. Toj ihi wʼahat letsʼe, Jonás iwo tʼalhyajaye Heowa: «Ofwel amho toj ihichetʼala ifwala toj nemhit ochʼahu ame». Heowa tʼuye tʼat hop Jonás toj ihi wʼahat letsʼe tres ifwalas hopkhilak yʼinhitʼa wet toj paj tʼalhe che wʼahat tachʼuyejpha (vomite) toj ihi honhat toj tamchay.

Heowa ifwayhat pʼante Jonás, mat ¿ha tajtso tafwayej hopkhilak ihohiyetʼa Nínive? Kha. Heowa yachajo toj ichene lhiptso, wet athana Jonás tachʼahuye tʼat. Ihoye pʼante Nínive wet ifwenho wichi toj fwitses: «Heowa iwasthihila ciudadna che 40 ifwalas». Toj malhyejtso iche tʼat mʼak toj nʼoseltej. Hop ninivitas tachʼahuye mʼak toj Jonás yome wet iwo elha lehusey. Hop Nínive laka niyat ifwenho laka wichi toja: «Alepʼaltsene Dios wet woyay ahusey iyhaja, nʼalej che nawoye tajtso lham ifwayhatla namel». Lewhay toj Heowa hiwʼen toj wichi iwo iyhaja lehusey, iwasthihitʼa lhiptso.

Jonás matche pʼante toj yʼulhanche toj Heowa itayhthitʼa ciudadtso. Tichunejlhi ayej toja: Heowa itelaytej pʼante hop Jonás wet itiyej lepʼaltsenyaj. Mat Jonás itihiyejtʼa lepʼaltsenyaj wichi toj ihi Nínive. Mat tajlhamet inupha toj talho lhiptso, ihoye lhip toj tatayhla ciudadtso wet ihochufwi calabaza vinatera laka hupel wet letepe inʼalit lefwitseyaj. Toj paj, halʼo toj ichufwi tamchay, wet Jonás matche toj fwitsaj. Wet Heowa ifwenho toja: «¿Ha matche toj leyayenche halʼotso inuʼpe ninivitas? Olham otiyej opʼaltsenyaj lhamel, hop toj tamenej toj ofwayhat». ¿Atsi mʼak toj fwetaj Dios ichufwenej hop Jonás? Toj wichi toj ihi Nínive matche toj laha ihi, inuʼpe halʼo at che hope.