¿Atsi mʼak toj iwoyek lewoye hopkhilak lhayʼe lhip toj aisej nʼochufwenyajayna?
Lelhayʼe elh toj ichufwen amej librofwajna. Tʼalheje nʼoelh toj hiwʼen amho librona che ichufwen amej hop Biblia wok tʼalhchʼoye che nʼochufwen amej toj lechumyenlhi olhamel oka sitio, jw.org.
LHIP TOJ ICHUN
Yahyen weihalhapej hop párrafos, ipʼakej hop nʼoyʼatshanhay toj lhayʼe números (A) wet textos toj ichalajfwas (B) toj inʼalit nʼochufwenyajay toj lhamya. Lewʼenla iyhaj textos toj iwhaye toj yok «yahyen».
LHIP TOJ SEGUNDA
Hop párrafo toj ichun (C) toj ihi lhip toj yok «Natʼayhettshi toj nalechufwenej» ikalelhat mʼak toj natetshanla. Hop subtítulos toj hiwʼen números (D) ikalelhat nʼochufwenyaj toj lhamya. Yahyen textos, chulho nʼoyʼatshanhay wet yahin videos (E).
Tetshan nʼopeykas wet nʼolhomtes toj ikalelhat (F), wet tichunejlhi chi malhyej (ep hote) toj lechulho lhip toj yok «Iyhaj wichi yome toja» (G).
LHIP TOJ LEPES
Yome «Mʼayhay toj letetshanne» wet «Mʼayhay toj nalechufwenejne» (H). Lesayen ifwala toj lepes toj alechufwenej nʼochufwenyaj. «Mʼak toj is che lewoye» (I) ifwel amho iyhaj mʼayhay toj is che alekhajyenej toj lewoye. Lhip toj yok «Iwoyek lewʼen iyhaj mʼayhay» (J) yome iyhaj mʼayhay toj iwoyek leyahyen wok leyahin.
Mʼak toj is che lewoye hopkhilak lewʼen texto toj ihi Biblia
Lhipna inʼalit libro lhey toj ihi Biblia (A), hop capítulo (B), wet versículo wok versículos (C). Malhyej toja, Juan 17:3 yome tʼat «hop libro toj lhey Juan, capítulo 17, versículo 3».