MʼAK TOJ DIOS LAKAWOS IHI
Heowa tachʼot namehen toj natelaytej mʼayhay toj yelhat namehen
Toj nehi ifwalas toj lepes, nilhokej namel natatayhla mʼayhay toj wuj toj athahen. Wet ichepej toj nayenek, nemhit natumla. Mat, che natujlhache toj natʼukwe Heowa lechʼotyaj iwohiyelak natumla mʼak at che hope tej toj matche toj ayteschehen (Is 43:2, 4). Che lhehi mʼak toj niʼisa, ¿atsi mʼak toj iwoyek tachʼot ame toj lhamwhaye Heowa?
Toj nawo tʼalhyaja. Che nafwenho Heowa mʼak toj tum namehen lham hiwʼenla namho lhatamsek wet lhakhajyhayaj hopkhilak natumla mʼak at che hope (Flp 4:6, 7; 1Te 5:17).
Toj nahoye reuniones. Ifwalasna lhayʼe lhip toj nawatla nʼolhak toj espiritual wet toj ipunfwas ikhajyen namehen toj iyej reuniones (Heb 10:24, 25). Toj nam is toj nalhaiwaklhat, nahoye wet nenlhi comentarios wuj toj nalhaʼisyenej Heowa laka espíritu lechʼotyaj (Ap 2:29).
Toj nawo lhometa. Che nalhaikhajyenej toj nawo lhometa wuj toj tachʼotla namehen toj natetshan mʼayhay toj isen. Hate tachʼotla namehen toj lhayʼe lhip toj namwhaye Heowa wet lhapunfwas toj nalhayʼe toj natchumhoplhi Heowa (1Co 3:5-10).
YAHIN VIDEO HEOWA TʼUHLA AME, WET TOJ PAJ CHULHO NʼOYʼATSHANHAYNA:
¿Atsi mʼayhay toj tachʼote Malu toj nilhokej lewhay iwhaye Heowa?
Hate iwoye Malu, ¿chi malhyej (ep hote) toj Salmo 34:18 iwoyek ikhajyen namehen?
Toj nehi lewhayis toj atha, ¿chi malhyej (ep hote) toj Malu laka ejemplo inʼalit namehen toj Heowa hiwʼen namho lakhajyhayaj toj wuj toj talhe lham talhiyetʼa namel? (2Co 4:7).