Chumyenlhi videosna hopkhilak lewo tesa toj lechufwenej Biblia nʼoelh

Iche cuatro videos toj yome toj nʼochufwenej Biblia wichi. ¿Atsi mʼak toj tefwajpejni video tʼuhlak ikalhi, wet chi malhyej (ep hote) iwoyek nachumyenlhi toj nawo lhometa?

• 

  ¿Atsi mʼak toj tamenej toj is che nalechufwenej Dios Lhomtes? (imalhewek). Iwoyek ikalhi toj wichi tʼuhlak ihanej mʼak toj Biblia yome tej toj wʼenhahiche letʼekhahyaj. Inityenej toj tʼukwe toj ihi Biblia hop nʼoyʼatshanhay toj wichi yʼatshan lhame lechulhyajay wet hate ichumyenlhi nʼotechʼaynek toj tajo lewʼet. Toj noj video yome chi malhyej (ep hote) toj nʼoelh iwoyek tʼalh toj nʼochufwenej Biblia.

• 

  ¿Atsi mʼak toj tamenej toj is che nalechufwenej Dios Lhomtes? Videona malhyej iwoye elh toj imalhewek mat pitajitʼa. Iwoyek nachumyenlhi toj nehi lhip toj wujitʼak wichi letamsek ihi.

• 

  ¿Atsi toj nʼal che iche nʼoelh che nʼochufwenej mʼak toj ihi Biblia? Tʼuhlak ikalhi toj wichi ihuminchek lhaichufwenej Biblia gratis, hate nichulho iyhaj nʼoyʼatshanhay malhyej toja, chi malhyej (ep hote) toj lhamel iwoyek tʼalh toj nʼochufwen.

• 

  Matche toj is toj alechufwenej Biblia. Videona nʼopayne hop wichi toj lhaichufwenej Biblia. Tej toj nechʼe toj nʼoyome toj ihi libro ¡Iwoyek lepes ihihitʼa akajyaj! toj ihi lewʼole 2, hate iwoyek nʼopayne che natetshan toj ihi librofwaj. Videona inʼalit mʼak toj libro yome wet ikalelhtho hop nʼochufwenek chi malhyej (ep hote) che lhaichufwen.

Tej toj tefwajpejni video iche mʼak toj tamenej toj nʼoyenlhi, mat iwoyek nachumyenlhi wok nathattshi lewhay che hope toj tʼuhawetej. Is che nalekhajyenej toj natafwelej videosna wet wuj toj nachumyenlhi lewhay toj nawo lhometa.