MʼAK TOJ DIOS LAKAWOS IHI

¿Ha awakʼalh hopkhilak letumla lewhayis toj atha toj lewʼen mʼak toj lewatla?

Naselthiyejtʼa toj iche mʼayhay toj yʼaje nilhokej honhatil toj tamenej toj chinaj tʼoj laha ihihitʼa. Hop toj nehi lhip toj lepes toj ihi ifwalas toj lepes, wet Dios Lhomtes pajche ifwel namhohen toj isitʼa che natiyej lhaniwhayaj hop nʼokaywet toj nitʼuna wok mʼayhay toj wus (1Ti 6:17; 2Ti 3:1). ¿Atsi mʼak toj iwoyek ichufwen namejen mʼak toj Josafat iwoye pʼante hopkhilak nawakʼalh che iche lewhayis toj atha toj nawʼen mʼak toj nawatla?

Lewhay toj letayhfwas tʼuhlak inuye, Josafat tʼekhaye Heowa (2Cr 20:9-12). Wet hate yam takhajay laka hupuy wet itihi sipʼalis hopkhilak tʼuye (2Cr 17:1, 2, 12, 13). Hate iwoye Josafat is che natʼekhaye Heowa wet nawoye mʼayhay hopkhilak naisej wet natumla lewhayis toj atha.

¿ATSI MʼAK TOJ IWOYEK LEWOYE HOPKHILAK AWAKʼALH CHE ATHA TOJ LEWʼEN MʼAK TOJ LEWATLA?

Waklhat aka espiritualidad: En akeya toj lhen kajyaja mʼak toj lewʼen wet khajyen atʼekhahyaj toj lematitche toj Heowa iwoyek hiwʼen amho mʼak toj lewatla ifwalapej (Mt 6:26; 1Ti 6:8). Kalelhat amho toj lewohiyetʼa mʼak toj niʼisa hopkhilak lewʼen mʼak toj lewatla (Ro 2:21). En atichunhayaja atsi mʼak toj lewohiyela hopkhilak lewʼen nʼolhak toj espiritual che ihichetʼa luz wok internet. Malhyej toja, tshupiye publicaciones toj ihi papel wet amajej, wet che iwoyek, kelit toj letompha publicaciones toj ihi internet.

Waklhat mʼayhay toj lewatlahla: Toj kamaj ihichetʼa lewhayis toj atha che iche elh toj tujlha ame is che lekelit toj lewo haya wet yej chaj mʼayhay toj lewathitʼahla (Pr 22:7). Che iwoyek amajej nʼolhak wet iyhaj mʼayhay toj lewatlahla. Hopkhilak tʼamajej laka chinaj tʼoj, iche iyhaj toj tutchey, itayhcha mʼayhay toj iwoyek tuj.

YAHIN VIDEO ¿HA AWAKʼALH HOPKHILAK LETUMLA LEWHAYIS TOJ ATHA? WET TOJ PAJ CHULHO NʼOYʼATSHANHAYNA:

Nʼopeyak toj talhe video ¿Ha awakʼalh hopkhilak letumla lewhayis toj atha?. Nʼopeykas: Biblia, mochila toj lethatho mʼayhay toj lewatlahla, celular wet hinʼul toj yenlhi hupuy.

Hopkhilak natumla lewhayis toj atha, ¿atsi mʼak toj tefwajpejni namel is che nawoye?

Achulhyaj

Nʼopeyak toj talhe video ¿Ha awakʼalh hopkhilak letumla lewhayis toj atha?. Nʼopeykas: Ipunfwas toj tachʼote iyhaj lewhay toj iche mʼayhay toj ikanchi honhat. Iche iyhaj toj tachʼote toj nʼoyenlhi hupuy wet iyhaj itichehcha cajas toj talho camión.

¿Atsi mʼak toj iwoyek nawoye hopkhilak nalhaiwaklhat toj nachʼote lhaiyhaj?

Achulhyaj