Chumyenlhi lhip toj ichun toj ihi lhaka sitio jw.org hopkhilak lewo ameta

Toj ihi lhaka sitio jw.org, toj ihi lhip toj ichun, iche wujpe nʼochufwenyajay hate iche videos toj yiwite wichi toj tʼuhlak itshupyenej toj itafwelej Dios (Ap.Lh 13:48). Toj ihi lhipna yome mʼayhay toj noticias yome wet hate yome iyhaj mʼayhay toj wichi yen lelhakliya.

¿Chi malhyej (Ep hote) toj iwoyek lechumyenlhi lhipna lewhay toj lewo ameta?

• Is che leyahin ifwalapej. Yahin mʼayhay toj ihi lhip toj lhey «Nʼohuminchek leyahin», wet en atichunhayaja atsi mʼak toj iwoyek lewoye hopkhilak lechumyenlhi toj lewo ameta. (Hopkhilak lewʼen iyhaj mʼayhay toj nechʼayek, iwoyek leyahin lhip toj lhey «Yahin iyhaj mʼayhay»). ¡Lewʼenla wujpe mʼayhay toj isen toj tachʼotla ame toj lekalhi toj lham is toj lewo ameta!

• Chumyenlhi lhip toj ichun toj ihi lhaka sitio wet videos hopkhilak lewo tesa toj lhamhoplhi wichi. Iwoyek tachʼot ame toj lehanej atsi mʼak toj wichi yen lelhakliya.

• Payne wichi lhip toj ichun toj ihi lhaka sitio. Tshupiye iyhaj nʼochufwenyajay wet chufwenej mʼak toj iwoyek iwoye hopkhilak tʼukwe iyhaj mʼayhay toj tʼuhlak ihanej.

• Iwoyek lethate wichi enlace. Iche wichi toj ihuminhitʼa toj natahuyej, mat ihumin toj iyahin mʼayhay toj ihi lhaka sitio. Che wichi ihuminchek, iwoyek lethate enlace toj ipayne lhip toj ichun toj ihi lhaka sitio, nʼochufwenyaj wok video. Yej lhenpej atichunhayaja, ¡woye tajtso!