MʼAK TOJ DIOS LAKAWOS IHI

Chʼote wichi toj ihohiyetʼa religión at che hope toj itafwelej Elh toj lhenek lhamel

¿Ha iche pʼante lewhay toj letʼuhitʼahlak lewo silota wichi toj ihohiyetʼa religión at che hope hop toj lhenek tachʼahuhitʼala ame? Che malhyejtso, is che lehanej toj wujpe wichi toj hope wichi toj yen lhometa Heowa athana, hopehen pʼante wichi toj ihohiyetʼa religión at che hope wok tʼekhahiyetʼa toj Dios iche. Iche iyhaj lhamel toj tajlhamet iwatla lhimpaj nʼochʼotyaj hopkhilak itetshan mʼayhay toj inʼalit toj Dios iche (Ro 1:20; 10:14).

YAHIN VIDEO RECUERDE: LOS QUE NO TIENEN FE PUEDEN OBTENERLA. LAS PERSONAS QUE NO SON RELIGIOSAS, WET TOJ PAJ CHULHO NʼOYʼATSHANEKNA:

¿Chi malhyej (Ep hote) toj Tommaso laka ejemplo ikhajyen am hopkhilak lewo silota wichi toj ihohiyetʼa religión at che hope?

Achulhyaj

Mʼak toj iwoyek lewoye

Che lewʼen wichi toj tʼekhahiyetʼa Dios, nʼaltej ahumnhayaj, am is toj lhamhoplhi wet am matche toj letachʼahuye toj yome mʼak toj tume wet mʼak toj yen letichunhayaja (2Ti 2:24). Is che lhome mʼak toj lham ihuminchek ihanej. ¿Ha nʼoelhtso ihuminchek itetshan mʼayhay toj ikalelhtho wujpe wichi toj matche toj iche elh toj lhenek mʼayhay? Toj malhyejtso chumyenlhi videos wet mʼayhay toj iche toj yiwite wichitso. Librofwas ¿Es la vida obra de un Creador? wet El origen de la vida. Cinco cuestiones dignas de análisis toj nʼothatho lhip toj lhey Nʼochʼotyaj hopkhilak nawo lhometa hopkhilak athahitʼa toj letʼukwe.

Toj nechʼe, nʼalej lenʼafwelh toj lewo silota nʼoelh toj tʼekhahiyetʼa Dios. Che malhyejtso, alhe elh toj iwo lhometa (publicador) toj lehanyaj ihi toj iwoyek tachʼot ame. Yej lepʼethatla, Heowa iwoyek tachʼot ame toj mʼak toj lechufwenej wichi yʼaje lhamel lehusek wet toj tʼuhlak itshupyeneje nʼowʼatshancheyaj tej toj athana tʼekhahiyetʼa toj Dios iche (Ap.Lh 13:48).