MʼAK TOJ DIOS LAKAWOS IHI
Nʼojchalis wet nʼokolis, ales iwoyek lehanyaj ihi
Mʼak toj matche toj iwoyek tachʼote ales hopkhilak lehanyaj ihi toj ihi Heowa tatache hope toj matche toj lhaʼisyenej reuniones. Mʼak toj lhamel hiwʼen, ilate wet yome toj ihi reuniones iwoyek tachʼote toj itafwelej Heowa wet matche toj yen kalayʼiya (Dt 31:12, 13). Mat, ¿atsi mʼak toj iwoyek lewoye hopkhilak letachʼote ales hopkhilak matche toj lhaʼisyenej reuniones?
Is che wuj toj alekhajyenej toj lehoye reuniones (Sl 22:22).
Alekhajyenej toj letachʼote ales hopkhilak iwhaye ipunfwas lewhay toj kamaj iwohitʼa tesa wok toj noj reunión (Heb 10:25).
Alekhajyenej toj letachʼote nilhokej hawʼet lheley toj hiwʼen mʼayhay toj nʼotetshanla toj iyej reunión, toj ihi papel wok lhaka aplicación.
Chʼote ales toj ichumyenlhi lhamel lhomtes toj iwaklhat mʼak toj yomhiyela toj iyej reunión (Mt 21:15, 16).
En akajyaja toj lhome reuniones wok mʼayhay toj nʼolhaichufwenej toj iyej.
Alekhajyenej toj lechufwenej ales toj tachʼote lewhay toj nʼowoye mʼayhay toj ihi congregación, malhyej toj nʼolejchufwi lhip toj nʼoihi toj nʼolhaihutwek wok toj tahuyej ipunfwas toj tanhay.
Nʼalej toj wuj toj alhakli ihi lewhay toj lhen atichunhayaja nilhokej mʼayhay toj iwatla lewoye toj letachʼote ales toj iwhaye Heowa. Is che lehanej toj atsʼilakhitʼa, Heowa tachʼotla ame (Is 40:29).
YAHIN VIDEO NʼOJCHALIS WET NʼOKOLIS, CHAYE TOJ HEOWA HIWʼENLA AMHO AKHAJYHAYAJ, TOJ PAJ CHULHO NʼOYʼATSHANHAYNA:
Lewhay toj Miguel wet Lidia yʼenhen, ¿chi malhyej (ep hote) toj tajtso yʼaje mʼak toj lhamel ihi?
¿Atsi mʼak toj tamenej toj nʼojchalis wet nʼokolis iwatlak tʼalhe lakhajyhayaj Heowa?
¿Atsi mʼayhay toj iwoye Miguel wet Lidia toj inʼalit toj tʼukwe Heowa lechʼotyaj?