N’OCHUFWENYAJ 4

¿Atsi toj hope Dios?

WICHI n’okwiyej wujpe dioses. Mat Biblia ichufwen namejen toj tajlhamet toj iche weihalha Dios toj matche. Lham hope elh toj weihalha, n’owujtaj wet n’ilataj. Lham toj yenwetha p’ante nilhokej m’ayhay toj ihi pele wet Honhat, wet hiw’en namhohen lhaw’atshancheyaj. Toj malhyejtso, t’uhawetej che nan’okwiyej.

Moisés sosteniendo las tablas de piedra con los Diez Mandamientos — Hop Ley toj n’ow’enho p’ante Moisés, «häpe t’at ángeles p’ante tä iwo Silätayej»

Dios hiw’en lhey toj lewuk lham. Hope HEOWA. Lham yome p’ante Moisés, toj yok: «Hop toja m’ak toj is che lefwenho Israel leles: ‹Heowa toj amel atetsel laka Dios, Abrahán laka Dios, Isaac laka Dios wet Jacob laka Dios, ichenn’o amehen›. Toja hope olhey pajla’tha tiyaj’attsiy, wet wichi t’anhiyejpeja n’oyej pajla’tha nichote leles toj lepes lheley» (Éxodo 3:15 Nuevo Mundo [NM]). Dios lhey siete mil toj yachajopej toj ihi N’olhamethi. Wet Salmo 83:18 [NM] yome toja: «Hopkhilak wichi ihanej toj ey hope Heowa, tajlhamet am toj ahope N’owujtaj toj i’pe nilhok honhat».

Uno de los Rollos del mar Muerto con el nombre de Dios resaltado — N’olesaynhay toj matche toj pajche toj n’ow’en p’ante toj iwhoye mar Muerto, Dios lhey ihi

Ihichet’a hin’u che hope che hiw’en p’ante Dios. Lham yome p’ante Moisés wet yok: «Tek attey hiw’enlan’o, tsi elh chik hiw’enn’o y’inhila» (Éxodo 33:20). Dios ihi pele wet wichi iwohiyet’ak hiw’en. Isit’a che nawo t’alhyajaye n’opeykas wet n’ocheyalis toj wichi yen hopeya laka dios. Heowa ifwenho p’ante Moisés m’ak toj ne’tek wichi iwoye: «Yej lhenlhi amho ach’eyä tä akwey lhenek tä lhen häpeya aka dios. Yej lhenlhi amho lepeyak tä letech’aynej m’ak tä ipuleye, wok m’ak tä i’pe honhat, wok m’ak tä ihi inätes tä ichufwi honhat. Yej let’uphiyejchä tähestso wet yej len’okwiyej. Tsi olham ohäpe Awuk Dios wet n’am humin chik õp’ajtitlhi n’oyej m’ak chik häpe» (Éxodo 20:2-5). Toj paj, Dios ifwenho p’ante lakawo Isaías: «Ohäpe Awuk Dios, häp täjtso olhey. Wet tek owahnhiyeja wichi chik iwujyenej owujyaj häp dios tä takwey lhenek wet ow’enhihot’ala n’ocheyä chik häpe yämthilek lewujyaj ihi» (Isaías 42:8).

Iche iyhaj wichi toj imatitche toj Dios iche, mat itichunejlhi toj iwohiyet’ak itafwelej wok yamwhoye, yome’te hope elh toj is che n’onowaye wet khit’a toj is che n’ohumin. ¿Atsi toj atichunhayaj? ¿Ha Dios aitetshan? ¿Ha iwoyek letafwelej wok inu’pe tajtso ahope lakalay’i? Natetshan Dios lechumyajay toj Lhomtes in’alit.

Dios laka espíritu toj t’amajchet wet laka ángeles

¿Chi iwoyneje Dios hopkhilak iwoye lenech’ethayaj? Toj ichun ichumyenlhi laka espíritu toj t’amajchet. Hop espíritu toj n’ot’amajchet khit’a hin’u wok ángel, hope lakhajyhayaj toj nin’ala wet nittaya toj ichumyenlhi hopkhilak iwoye m’ak toj Lham ihuminche. Dios ichumyenlhi p’ante lakhajyhayajna hopkhilak yenlhi pele wet Honhat, malhyej toj Lhomtes yome: «Tä yenlhi pule lhäy’e m’ayhay tä ihi, lhämet t’at tä yenejlhi, lhäy’e leyalh [hop espíritu, NM] tä tälhche lak’aj» (Salmo 33:6). Malhyej toj yome Génesis 1:2, toj inot kamaj hip’o’pe p’ante Honhat, Dios iwaklhat p’ante hopkhilak wichi yen lew’eta, «Dios laka [e]spíritu wey’ä’pe inättso». Dios ichumyenlhi p’ante laka espíritu hopkhilak yenlhi nilhokej m’ayhay toj ilayhiche toj i’pe Honhat.

Dios hote ichumyenlhi laka ángeles hopkhilak iwoye lenech’ethayaj. Lhenek p’ante lakawostso toj matche toj takhajayhen hopkhilak iyej Lham toj ihi pele. Lhamel toj iwo silota n’osilotyaj toj talhe Dios wet lhay’e toj iwoye iyhaj lechumtes toj matche toj laha ihi. Malhyej toja, Dios Lhomtes yome toj Ley toj n’ow’enho p’ante Moisés «häpe t’at ángeles p’ante tä iwo silatäyej». Lhamel hote tach’ote Dios lakawos toj i’pe Honhat. Hop toj tamenej toj Dios Lhomtes iwo lheya toj yok: «Häpehen espíritu lhayis tä Dios lakawos, wet ichen yämlek tach’ote wichi tä lewuhuyla n’ofwayhyaj» (Hebreos 1:14; 2:2).