LIBROS LEW'ET TOJ IHI INTERNET Watchtower
Watchtower
LIBROS LEW'ET TOJ IHI INTERNET
Wichí
b
  • s
  • e
  • r
  • á
  • DIOS LHOMTES
  • M'AYHAY TOJ IWOYEK N'OYAHYEN
  • REUNIONES
  • fg nʼoch 10 n’oy’atshanhay 1-4
  • ¿Atsi mʼak toj is che lewoye hopkhilak lehanej atsi religión toj matche?

Videona toj letshupiye ihichet'a.

Tayhat olhamel otes, isit'a alhoho toj iwo tesa videona.

  • ¿Atsi mʼak toj is che lewoye hopkhilak lehanej atsi religión toj matche?
  • Nʼosilotyaj toj isis toj talhe Dios
  • M'ayhay toj malhyej iwoye
  • Lenʼayij toj is alhoho toj nʼonʼokwiyej Dios
    Mʼak toj Biblia ichufwen amej
  • ¿Chik molhyej che lewatlok lawʼen hop religión toj matche?
    Aʼene Dios lakalayʼi
  • ¿Atsi mʼak toj Biblia yome toj ihiyeja religiones?
    Nʼosilotyaj toj isis toj talhe Dios
  • Religiones toj kamatachehen hichʼohyen Dios lhey
    ¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
Nʼosilotyaj toj isis toj talhe Dios
fg nʼoch 10 n’oy’atshanhay 1-4

NʼOCHUFWENYAJ 10

¿Atsi mʼak toj is che lewoye hopkhilak lehanej atsi religión toj matche?

1. ¿Ha iche weihalha religión toj matche?

Jesús iwo lechufwenyaja

«Amaj amejenlä häp profetas tä kamatachehen» (MATEO 7:15).

Jesús ichufwenej pʼante lechufwenkay weihalha religión toj matche. Itechʼaynej pʼante nʼayij toj ihane lewʼatshancheyaj toj tʼun wichi, mat nitakwitʼa wichi toj ilhokpe nʼayijtso (Mateo 7:14). Dios tajlhamet toj tachumla nʼonʼokhayaj toj talho mʼayhay toj matchehen toj ihi Lhomtes, hop Biblia. Wichi toj ihanlhi mʼayhaytso toj matchehen lhahipʼajtej weihalha nʼotʼekhahyaj. Yahyen Juan 4:23, 24; 14:6 wet Efesios 4:4, 5.

Yahin video ¿Ha Dios tachumla nilhokej religiones?

2. ¿Atsi mʼak toj Jesús yome pʼante toj iwohiyela nʼochufwenhay toj kamatachehena?

Hinʼu toj lhetekej religión iwo lechufwenyaja, wet toj paj itiyej lakapfwayaj nifwotaj.

«Fwetaj häpehen iyhäj tä nitäfwelej Dios, mat häp mʼak tä iwoye hinʼälit tä mathichetʼa» (TITO 1:16).

Jesús yome pʼante toj ihichela profetas toj kamatachehena toj hichʼoyhthila nʼotʼekhahyaj toj matche. Profetastso wet laka iglesias yome toj hopehen cristianos. Tej toj lhamel yome toj hiwʼen mʼak toj matche, kalelhaj toj ifwechʼenwetha wichi. Tsʼilak cristianos toj matchehen hiwʼen lakeyis toj isen wet mʼayhay toj iwoye inʼalit toj hopehen Cristo lechufwenkay toj matchehen. Yahyen Mateo 7:13-23.

3. ¿Atsi wichi toj ihanlhi religión toj matche?

Natetshan cinco mʼayhay toj wichi toj ihanlhi religión toj matche iwoye:

  • Yenhitʼa wʼet mʼayeka hop Biblia, Dios lhomtes. Matche toj lhamel lhaikhajyenej toj ihanlhi mʼayhay toj matchehen toj ihi Biblia, malhnhiyejtʼa iwoye iyhaj religiones toj ihanlhi nʼochufwenyajay toj iʼpe honhatna (Mateo 15:7-9). Lhayʼe toj iwoye tʼat mʼayhay toj yen lhometa. Yahyen Juan 17:17 wet 2 Timoteo 3:16, 17.

  • N’oelh toj yen lhometa Heowa toj ichufwenej m’ak toj talhe Dios Lhomtes. Iyhaj toj iwo lhometa (ilunche wichi), iyhaj toj tachʼote lepunfwas lewhay toj iche nʼowitʼayhyajay wet toj tach’ote iyhaj toj tanhay.

    Iwujyen Dios lhey, Heowa. Jesús iwoye pʼante toja lewhay toj itafwnhatej wichi Lajcha lhey. Ifwenho pʼante wichi chi malhyej (ep hote) Heowa wet ichufwenej pʼante mʼak toj is che yome toj iwo tʼalhyaja hopkhilak yen nʼotʼamajcheta nʼolheytso (Mateo 6:9). Lhip toj lhehi, ¿atsi religión toj itafwnhatej wichi «Heowa lhey»? (Romanos 10:13, 14, nwt).

  • Yen lhometa Dios Niyatyaj. Jesús nʼochene pʼante Honhat hopkhilak yen lhometa nʼosilotyajay toj isis toj hope Dios Niyatyaj, toja hope wichi toj ihonhatena leniwhayaj toj weihalha. Wet iwoye pʼante tajtso pajtha nichate lewhay toj yʼil (Lucas 4:43; 8:1; 23:42, 43). Lhayʼe toj yome pʼante toj lechufwenkay yenla tʼat lhometa nʼoniyatyajtso. Toj malhyejtso che iche nʼoelh che nichate lhip toj lhehi wet ifwel amho mʼak toj hope Dios Niyatyaj, ¿atsi pʼiya religión toj ihi? Yahyen Mateo 24:14.

  • Ihanhilhitʼa mʼayhay toj ihonhatena. Jesús lechufwenkay lhayʼuythihotʼa mʼayhay toj políticos iwoye wet nʼowitʼayhyajay toj iyej wichi toj tatayhla iyhaj (Juan 17:16; 18:36). Hate itenhitʼa mʼayhay toj iwoye wet wichi lakeyis toj niʼisahen. Yahyen Santiago 4:4.

  • Lehumnhayaj toj iti lhamenej inuʼpe nʼohumnhayaj toj wichi iyhaj iti lhamejen. Dios Lhomtes ichufwenejen lhamel toj yenhitʼa wʼet mʼayeka iyhaj toj wʼenhahiche lhomtes. Religiones toj kamatachehena hiwʼenho lechʼotyaj wichi toj ihoye nʼokaʼtshayajay, mat wichi toj ihanlhi religión toj matche iwohiyetʼa tajtso (Miqueas 4:1-3). Tajlhamet toj lhamel nahiyejtʼa lakhajyhayaj, laka chinaj tʼoj wet itiyej kanhi iyhaj mʼayhay hopkhilak tachʼote wet ikhajyenhen iyhaj. Yahyen Juan 13:34, 35 wet 1 Juan 4:20.

4. ¿Ha iwoyek lehanej atsi religión toj matche?

¿Atsi religión toj lechufwenyajay talho tʼat Biblia, iwujyen Dios lhey wet yen lhometa Dios Niyatyaj toj ihi pele toj hope wichi leniwhayaj toj weihalha? ¿Atsi religión toj wichi toj ihi lhaihumnhen wet takawayhla nʼokaʼtshayaj? ¿Atsi toj atichunhayaj? Yahyen 1 Juan 3:10-12.

Che letʼuhlak tʼaytshi toj lehanej mʼayhayna, tetshan nʼochufwenyaj 15 toj ihi libro Mʼak toj Biblia ichufwen amej.

    M’ayhay toj n’oyahyen toj wichi lhomtes (2008-2025)
    En lepesa lhipna
    Wo tesa lhipna
    • Wichí
    • N'otate n'oelh
    • M'ayhay toj iwoyek n'otshupyene
    • Copyright © 2025 Watch Tower Bible and Tract Society of Pennsylvania
    • Len'ayij toj t'uhawetej toj lechumyenlhi lhipna
    • Política de privacidad
    • Configuración de Privacidad
    • JW.ORG
    • Wo tesa lhipna
    N'otate n'oelh