¿Chi malhyej (Ep hote) toj namwhaye Dios?

1. ¿Ha Dios tachʼahuye nilhokej nʼotʼalhyajay?

Dios tʼanla nilhokej wichi toj ihiche honhatil hopkhilak yamwhaye, ichumyenlhi tʼat nʼotʼalhyaj (Salmo 65:2). Mat toja yomhiyetʼa che tachʼahuye wok tachumla nilhokej nʼotʼalhyajay. Dios Lhomtes yome toj hinʼu toj yen wʼet mʼayeka lechʼefwa letʼalhyajay iwoyek iche «mʼak che inuhlä» (1 Pedro 3:7). Wet lewhay toj Israel lhayis iwoyepej mʼayhay toj niʼisa, Dios ileyej toj tachʼahuye letʼalhyajay. Mat, tachʼahuye wichi toj ilechehen lakeyis tej toj iwoye pʼante lechʼisukyajay toj aytajchehen. Yahyen Isaías 1:15 wet 55:7.

Yahin video ¿Ha Dios tach’ahuye nilhokej n’ot’alhyajay?

2. ¿Che is che malhyej (Ep hote toj iwatlak hote) lhatʼalhyajay?

Nʼotʼalhyaj hope lhip lhanʼokhayaj toj natiyej Heowa, toj malhyejtso tajlhamet lham toj is che nawo tʼalhyajaye (Mateo 4:10; 6:9). Lhayʼe toj, nilhokej namel lhachʼisukyajay ihiche, hop toj tamenej toj is che nawo tʼalhyajaye Dios wet nachumyenlhi Jesús lhey hop toj yʼilpe pʼante lhachʼisukyajay (Juan 14:6). Heowa ihuminhitʼa toj natihi lhalhetek lhatʼalhyajay toj nachajlhaho toj name wok nʼolesayen. Mat iwatlak talho lhahusek. Yahyen Mateo 6:7 wet Filipenses 4:6, 7.

Dios hate tachʼahuye hinʼu che hope letʼalhyajay tej toj kanʼolataye lepak (1 Samuel 1:12, 13). Lham tʼuhlak nawo tʼalhyajaye nilhok lewhay, toj nechʼe fwala wet toj namahen, toj natʼeken wok lewhay toj nehi lhawitʼayhyajay. Yahyen Salmo 55:22 wet Mateo 15:36.

3. ¿Atsi mʼak toj tamenej toj tachʼot namehen toj nahoye wichi toj yen lhometa Heowa Lewʼet?

Nehi lechowej wichi toj tʼekhahyajay newayej Dios wet ilakwlhi lhomtes toj yome toj ihichela nʼotamsek toj ihi Honhat. Toj malhyejtso, che natʼuhlak namwhaye Dios hope mʼak toj atha (2 Timoteo 3:1, 4; 2 Pedro 3:3, 13). Hop toj tamenej toj nawatlak nalehutwek nalhayʼe iyhaj lhapunfwas wet toj lhamel naikhajyenhen. Wet hate lhamel iwatlak nakhajyenhen. Yahyen Hebreos 10:24, 25.

Toj nalepʼajtej wichi toj ihumin Dios tʼayhitshila toj namwhaye Dios. Lewhay toj nahoye wichi toj yen lhometa Heowa toj lhaihutwek naisej toj nawʼen hop lhapunfwas iyhaj toj tʼekhahyajay ihiche. Yahyen Romanos 1:11, 12.

4. ¿Chi malhyej (Ep hote) toj lhamwhaye Dios?

Am iwoyek lhamwhaye Dios che letichunejlhi mʼayhay toj ihi Biblia toj yome Dios toj alechufwenej pʼante. Tichunejlhi mʼayhay toj iwoye pʼante, lefwonyajay wet mʼayhay toj ifwel pʼante. Che lewoye tajtso wet lewo tʼalhyajaye Dios tachʼotla ame toj tʼaytshi toj lehumin lehumnhayaj wet lehanyaj. Yahyen Josué 1:8 wet Salmo 1:1-3.

Tajlhamet che lewʼen ekhahyaj toj letiyej Dios nechʼehilak iwoyek lhamwhaye Dios. Mat nʼotʼekhahyaj malhyej iwoye halʼa toj iwatlak nʼotshaye inat hopkhilak lhaichiyhelit. Toja nakalhi che natichunchʼoye mʼayhay toj tamenej toj namatitche mʼak toj natʼekhaye. Yahyen Mateo 4:4 wet Hebreos 11:1, 6.

5. ¿Atsi toj nakalhi che namwhaye Dios?

Heowa itetshan wichi toj ihumin. Iwoyek tʼuyejla mʼak at che hope che iwoyek iwitʼayen wichina tʼekhahyaj wet leniwhayaj toj hope nʼowʼatshancheyaj toj tʼun (Salmo 91:1, 2, 7-10). Ifwenho lhamel toj iche nʼokeyis toj iwoyek ikanchi tʼisanis wet lekajyaj wet ichufwenej atsi nʼayij toj hope toj lhayʼe lhip toj is. Yahyen Salmo 73:27, 28 wet Santiago 4:4, 8.