LIBROS LEW'ET TOJ IHI INTERNET Watchtower
Watchtower
LIBROS LEW'ET TOJ IHI INTERNET
Wichí
b
  • s
  • e
  • r
  • á
  • DIOS LHOMTES
  • M'AYHAY TOJ IWOYEK N'OYAHYEN
  • REUNIONES
  • lfb nʼoch 16 lew’ole 44-lew’ole 45 párr. 4
  • ¿Atsi elh toj hope pʼante Job?

Videona toj letshupiye ihichet'a.

Tayhat olhamel otes, isit'a alhoho toj iwo tesa videona.

  • ¿Atsi elh toj hope pʼante Job?
  • Mʼayhay toj iwoyek nahanej toj ihi Biblia
Mʼayhay toj iwoyek nahanej toj ihi Biblia
lfb nʼoch 16 lew’ole 44-lew’ole 45 párr. 4
Tres hinʼul toj tʼisiyakaye Job, hiwʼen wujpe lelatshay toj iʼpe tʼaj

NʼOCHUFWENYAJ 16

¿Atsi elh toj hope pʼante Job?

Iche pʼante hinʼu, toj ihi lhip toj lhey Us, toj nʼokwiyej Heowa. Lhey Job, lham wuj pʼante mʼayhay toj hiwʼen wet lewʼet lheley wujpey. Hate, matche toj lehusek ihi pʼante wet tachʼote iyhaj toj pʼalitses, tesalis wet naʼtshas toj lajcha ihihitʼa. Job iwoye pʼante mʼayhay toj isis. ¿Ha lefwetaj toj tajtso tamenej toj lham lewitʼay ihihitʼa?

Satanás, Ahottaj

Job ihanhiyejtʼa, mat Ahottaj iyahin tʼat lham. Heowa ifwenho Satanás toja: «¿Ha letetshan okawo Job? Ihichetʼa elh che hate iwoye lham toj ihi Honhat. Hope elh toj chʼahunaj wet iwoye tʼat mʼak toj is». Satanás ichulho: «Matche tʼat toj tachʼahu ame, hop toj letʼuye lham, lakopfwaye, lewʼenho honhat wet wujpey itshatay... Soyej nilhokej tajtso, wet hop ihichetʼala che lham nʼokwi amej». Heowa yok: «Iwoyek lhelhte hop lham, mat onayej amho che lelan». Heowa inuhitʼahla toj Satanás yelhte hop Job, ¿lehanej atsi mʼak toj tamenej? Hop toj imatitche toj Job kamaj hopehla elh toj chʼahunaj.

Satanás yelhte wet itiyej wujpe mʼayhay toj niʼisa hop Job. Toj ichun ichumyenlhi wichi toj lhey sabeos, hopkhilak iskat lelay wʼasetas wet laka asnolis. Toj paj iche itaj toj ilanhen lelay tsonʼatas. Hate iche wichi iyhaj, toj hopehen caldeos, toj iskathen laka camellos. Hate yʼinhen lakawos toj tʼuye tʼat lelay. Mat, mʼak toj lhayʼe lhip toj aytaj toj iyej Job: hope toj nilhokej leles yʼinhen, lewukwe toj ichatpe. Job matche pʼante toj lefwitajayaj ihi, mat lham ilehiyejtʼa toj nʼokwiyej Heowa.

Satanás tʼupʼantehlak Job lhayʼe lhip toj lefwitajayaj ihi, amos talhpe tʼat tʼaj. Tajtso matche toj ilat. Lham ihaniyejtʼa mʼak toj tamenej toj isitʼa mʼayhay toj ihi, mat tej toj malhyejattso tujlhache toj nʼokwiyej Heowa. Dios hiwʼen mʼak toj iwoye wet wuj toj kajejlhi Job.

Toj paj, Satanás ichen tres hinʼul hopkhilak yelhte Job. Lhamel yok: «Nʼalej toj am lewo hachʼisukyaja wet athana letʼuhlak leskat. Hop toj tamenej toj Dios iti amej mʼayhaytso». Job nichulho lhamel: «Ihichetʼa mʼak toj niʼisa toj owoye». Toj paj iwo tesa toj imatitche toj Heowa tʼat toj tamenej toj ihi lewitʼayhyajay wet yome toj Dios iwoyeje lham mʼak toj niʼisa alhoho.

Mamse Elihú tachʼahuye toj lhamel yomwheta. Mat nechʼe tahuy wet yok: «Nilhokej amel isitʼa alhoho mʼak toj lhome. Heowa hope elh toj lewujyaj ihi inuʼpe mʼak toj namel nen tichunhayaja, ihanhiyejtʼak iwoye mʼak toj niʼisa. Lham hiwʼenpe nilhokej mʼayhay wet tachʼote wichi che iche lewitʼayhyajay».

Job, lechʼefwa wet lhos

Heowa hate tahuyej Job wet yok: «¿Atsi lhip toj lhehi pʼante lewhay toj oyenlhi Honhat wet pele? ¿Atsi toj tamenej toj lhen atichunhayaja toj oisitʼa alhoho? Wʼet lhomlhi tʼat, lehanhiyejtʼa mʼak toj tamenej toj iche mʼayhay». Job nechʼe ihanej toj isitʼa alhoho mʼak toj yen tichunhayaja wet yok: «Isitʼa mʼak toj owoye. Tayhat nʼoyej mʼak toj oyome. Tajlhamet olatchʼoye toj nʼoyam ame mat athana otafwel amej wet owʼen toj iwoyek lewoye mʼak at che hope».

Toj tafwaytshi mʼayhay toj niʼisa toj iyej Job, Heowa ichesat lham wet hiwʼenho wujpe mʼayhay inuʼpe taj pʼante hiwʼen. Job pitaj lewhay toj ilay wet lekajyaj ihi. Heowa ikopfwaye pʼante lham hop toj chʼahunaj, tej toj ichepej toj athaho lham. Wet am, ¿ha ahatehla iwoye Job wet lenʼokwihiyeja Heowa tej che atha mʼak toj lhehi?

«Lehanayej Job pʼante, iteläytej tʼat leteläythayajay wet lhaikhajyen, wet häte lehanayej tä lepese pʼante Lhawuk itiyej tʼat lakäpfwayaj tä is» (Santiago 5:11).

Nʼoyʼatshanhay: ¿Atsi mʼayhay toj Satanás itiyej pʼante Job? ¿Chi malhyej (Ep hote) toj Heowa ikopfwaye Job?

Job 1:1-3:26; 4:7; 32:1-5; 34:5, 21; 35:2; 36:15, 26; 38:1-7; 40:8; 42:1-17.

    M’ayhay toj n’oyahyen toj wichi lhomtes (2008-2025)
    En lepesa lhipna
    Wo tesa lhipna
    • Wichí
    • N'otate n'oelh
    • M'ayhay toj iwoyek n'otshupyene
    • Copyright © 2025 Watch Tower Bible and Tract Society of Pennsylvania
    • Len'ayij toj t'uhawetej toj lechumyenlhi lhipna
    • Política de privacidad
    • Configuración de Privacidad
    • JW.ORG
    • Wo tesa lhipna
    N'otate n'oelh