NʼOCHUFWENYAJ 50
Heowa ifwayhtej Josafat letayhfwas
Josafat hope pʼante Judá laka niyat toj iwasthi Baʼal laka altares wet dioses toj kamatachehen toj ihi lhip toj lham iwo leniyatyaja. Lham tʼupʼantehlak wichi itafwelej Heowa laka leyes. Hop toj tamenej toj ichen príncipes wet levitas hopkhilak ichufwenej Heowa laka leyes wichi toj ihi Judá.
Lhipey iyhaj toj ilunej Judá nowaye che inuye lhamel, hop toj ihanej toj Heowa tʼuye laka wichi. Hop toj tamenej toj ichajepej lewʼayhat hop niyat Josafat. Toj malhyejtso Amón lhayis, Moab lhayis wet wichi iyhaj toj talhe Seír ihoye Judá hopkhilak itayhla. Josafat ihanej toj iwatlahla Heowa lechʼotyaj. Hop toj tamenej toj ihutwek toj ihi Jerusalén hinʼul, atsinhay wet naʼtshas. Lham iwo tʼalhyaja wet yok: «Heowa iwohiyetʼak olhamel okalhi otayhfwas che nemhit lechʼot nʼoyehen, por favor, fwel nʼohohen atsi mʼak toj olhamel is che owoye».
Heowa tachʼahuye hop Josafat wet yok: «Yej noway, ochʼotla amehen. Ehi tʼat lhip toj amel lhehi, yej woye mʼak, tajlhamet yahin mʼak toj owoye toj ofwayhat amel». ¿Atsi mʼak toj Heowa iwohiyela toj ifwayhat lhamel?
Toj nechʼe fwala, Josafat tatshupiye cantores wet ifwenho lhamel toj is che ichunla hop ejército, lhamel inukwepha toj talho Jerusalén ihoye lhip toj ejército ihi toj lhey Tekoa.
Cantores lekajyaj ihiche toj iten nʼotenkay toj itayhate Heowa wet aytaji lhamel lepak. Toj lhamel iwoye tajtso Heowa itayhla tʼat laka wichi letayhfwas, iwetahat Moab lhayis wet Amón lhayis letichunhayaj wet lhamel lhailanhen. Nilhokej toj yʼinhen. Mat Heowa tʼuye tʼat wichi toj ihi Judá, laka sipʼalis wet sacerdotes. Nilhokej lhipey iyhaj toj ilunej Judá ihanchʼoye mʼak toj Heowa iwoye wet ihanej toj lham kamaj tujlhache tʼat toj tʼuye laka wichi. ¿Ha lehanej mʼak toj Heowa iwoye toj ifwayhat laka wichi? Wujpe mʼayhay, lham iwathitʼahla hinʼu lechʼotyaj.
«Häp wichi tä nekhen tä tatay ahilähen, amenhitʼalak letatayhlä. Awaklhathena, ehichela lhipey tä aka niyatey iti amhiche. Amel lewʼenayhla häp mʼak tä olham tä Awuk Dios owohiyela tä ofwayhat amejen atayhfwas» (2 Crónicas 20:17).