Lhek nahoye Dios Heowa ka chenaj

1. ¡Matche toj atojpha

Dios Heowa laka chenaj!

Hope niyat toj inuʼpe

nilhokej iyhaj.

Dios tʼanchʼoye wichi

toj iʼpe nilhok Honhat

hop toj ihuminchek

nilhokej lhaipʼajtej Lham.

Dios lhomtes matchehen:

lakawos tʼaytshipej lewhayna.

Kalelhaj toj nawʼen

toj iti namej lakopfwayaj.

Lhayʼe lhip toj wujpey

hop Heowa laka wichi.

¡Matche! Naʼakajejlhi

toj nanʼokwiyej Heowa.

2. Cristo ichen namel

toj nawopej lhometa.

Is che nachʼote iyhaj

toj lhaknichajawetha.

Is tʼat leniyatyaj

hop toj wuj lepʼaltsenyaj.

¡Matche! Iyhaj toj

tachʼahuye isenla tʼat.

Wuj toj naʼakaswetha

toj iwoyek nachʼote Heowa

che natʼane wichi

toj tachumla lakopfwayajay.

Lhek natʼane wichi.

Is che nafwenho wet nʼok:

«¡Achun! Is che nahoye

Dios Heowa ka chenaj».