¿Chi malhyej (Ep hote) toj iwoyek lhayʼe lhip toj aisej Biblia?

¿Ha iche lewhay toj lefwetaj lhenlhi mʼak toj matche toj wuj mat lhen atichunhayaja toj matche toj atha? Hopkhilak athahitʼa amho toj lewoye nʼalej toj lewʼenla lhip toj athahitʼa wet toj lelemsas toj lewoye. Malhyejattso mʼak toj yiwite nʼoelh toj iyahyen hop Biblia. Nʼalej toj leyʼatshan ame: «¿Chi malhyej (Ep hote) toj owo tesa?». Toj ihi nʼochufwenyajna nawʼenla nʼofwonyajay toj athahitʼa toj tachʼotla ame toj lhen akajyaja toj leyahyen wet alechufwenej Biblia.

1. ¿Atsi mʼak toj tamenej toj is che nayahyen Biblia nilhokej ifwalas?

Nʼoelh toj iyahyen Biblia, wok «Lhawuk lechufwenyaj», ifwalapej lekajyaj ihihla wet isila alhoho mʼak toj iwoye (yahyen Salmo 1:1-3). Toj lewo tesa, yahyenpej lhimpaj lewhay nilhokej ifwalas, che lhayʼe lhip toj letafwelej Dios Lhomtes, lhayʼehila lhip toj lhen akajyaja toj leyahyen.

2. ¿Chi malhyej (Ep hote) toj iwoyek aisej toj leyahyen Biblia?

Hopkhilak naisej toj nayahyen Biblia is che nakasit wet nen tichunhayaja. Toj ihi librona tsʼilakitʼa toj is che nayahyen, hate is che nen tichunhayaja (Josué 1:8). Che leyahyen, enlhi nʼoyatʼshanhay toj malhyejenna: «¿Atsi mʼak toj ifwel nʼoho toj talhe Heowa versiculosna mʼak toj hope lham? ¿Chi malhyej (Ep hote) toj iwoyek ochumyenlhi? ¿Chi malhyej (Ep hote) toj iwoyek ochumyenlhi hopkhilak ochʼote oiyhaj?».

3. ¿Atsi mʼayhay toj iwoyek letiyej kanhi hopkhilak lekalhi toj leyahyen Biblia?

¿Ha atha amho toj letiyej kanhi mʼayhay toj lewoye ifwalapej hopkhilak leyahyen Biblia? Athaho wujpe olhamel tajtso. Iwoyek «[le]wo kotsayej lewhäyna wet äm is mʼak tä lewoye» (Efesios 5:16). Lekalhihla toja, che letshupiye hora toj leyahyen Biblia. Iche iyhaj toj iyahyen toj nechʼe fwala. Iyhaj tatshupiye toj iyahyen toj honaj, nʼalej toj iche iyhaj toj iyahyen Biblia toj tʼekhen. Mat iche iyhaj toj iyahyen toj honatsi toj kamaj imahitʼa. ¿Atsi lewhay toj am iwoyek letshupiye?

NATʼAYHETTSHI TOJ NALECHUFWENEJ

4. Alechufwenej toj lhen akajyaja toj leyahyen hop Biblia

Nʼalej toj atha lewhay toj lewo tesa toj leyahyen Biblia. Mat, malhyej iwoye toj nʼoelh ikan mʼak toj yelhte pʼante, hate iwoyek nawopej yiya toj nayahyen Dios Lhomet. Yahyen 1 Pedro 2:2 wet ame mʼayhayna:

• ¿Ha lefwetaj toj, che leyahyen Biblia nilhokej ifwalas lehuminla wet letʼuhlahlak leyahyenpej?

Yahin VIDEO hopkhilak letafwelej mamses wet lhutshay toj lhaichufwenej pʼante toj yen kajyaja toj iyahyen Biblia. Ame mʼayhayna:

VIDEO: Mamses wet lhutshay toj lhaichufwenej toj ihumin Dios Lhomtes (5:33)

• ¿Atsi mʼak toj is che itiyej kanhi hop mamses wet lhutshay toj ihi video?

• ¿Atsi mʼak toj tachʼote lhamel hopkhilak tujlhache toj iyahyen Biblia?

• ¿Atsi mʼak toj iwoye lhamel hopkhilak toj iyahyen Biblia hope mʼak toj matche toj ihumin?

Woye toja toj lewo tesa:

• Tshupiye Biblia toj letʼekhaye wet toj ichumyenlhi nʼolhomtes toj letafwelche. Elhte hop Traducción del Nuevo Mundo chik ihi tʼat amet.

• Wo tesa toj leyahyen hop lhip toj lehumin. Lewʼenla mʼayhay iyhaj toj ihi «Nʼayhay iyhaj hopkhilak lewo tesa toj leyahyen Biblia».

• Lesayen lhip toj leyahyen. Chumyenlhi hop «Lhip toj ochate toj oyahyen Biblia» toj ihi publicacionna.

• Chumyenlhi aplicación JW Library^®. Chik ihi aka teléfono wok mʼak elh iwohiyelak leyahyen wet lechʼahuye Biblia lhip at che lhehi.

• Chumyenlhi mʼayhay iyhaj toj ihi Traducción del Nuevo Mundo. Lelhokhiyela mapas, tablas wet glosario toj tachʼotla ame toj lehumin toj leyahyen Biblia.

5. Alechufwenej Biblia hopkhilak che achufwenyajwo iho ame awakʼalh

Yahyen Salmo 119:34 wet ame mʼayhayna:

• ¿Atsi mʼak toj tamenej toj is che lewo atʼalhyaja toj kamaj leyahyenhitʼa Biblia wok toj lewaklhat nʼochufwenyaj?

¿Chi malhyej (Ep hote) toj lhayʼe lhip toj iwoyek aisej publicacionna lechufwenyajay? Toj lewaklhat nʼochufwenyajay toj ihi publicacionna toj kamaj achufwenyajwo ihohitʼa ame iwoyek lehanlhi toja:

1. Yahyen párrafos toj ichun toj ihipej weihalha nʼochufwenyaj.

2. Ukwe textos toj ihi Biblia, yahyen wet tetshan chi malhyej (ep hote) toj yiwtejla nʼochufwenyaj toj letetshan.

3. Pʼak nʼolhomtes toj nichulho nʼoyʼatshanhay. Toja tachʼotla ame toj alechufwenej nʼochufwenyaj che lelhayʼe achufwenyajwo.

Tetshan lhipna

Olhamel toj ohopehen wichi toj yen lhometa Heowa ochumyenlhi wujpe traducciones toj ihi Biblia, olhamel otshupiye toj ochumyenlhi Traducción del Nuevo Mundo hop toj is alhoho, kalelhaj wet ichumyenlhi Dios lhey (tetshan nʼochufwenyajna toj ihi jw.org: «¿Ha wichi toj yen lhometa Heowa hiwʼen laka Biblia?»).

MʼAYHAY TOJ LETETSHANNE

Hopkhilak lhayʼe lhip toj aisej toj leyahyen Biblia, tshupiye hora toj leyahin, tʼalhe Dios che tachʼot ame toj letafwelche mʼak toj leyahyen wet waklhat nʼochufwenyajay hopkhilak che achufwenyajwo iho ame awakʼalh.

Mʼayhay toj nalechufwenejne

• ¿Atsi mʼak toj tachʼotla ame hopkhilak lhayʼe lhip toj aisej toj leyahyen Biblia?

• ¿Atsi lewhay toj am iwoyek alechufwenej Biblia wet leyahyen?

• ¿Atsi mʼak toj tamenej toj laha ihi che lewaklhat nʼochufwenyaj toj letetshanla toj achufwenyajwo kamaj ihohitʼa ame?

IWOYEK LEWʼEN IYHAJ MʼAYHAY:

Tetshan mʼayhay iyhaj toj iwoyek tachʼot ame toj lhen akajyaja toj leyahyen Biblia.

«En akajyaja toj leyahyen Biblia» (La Atalaya, núm. 1 2017)

Tafwelche tres mʼayhay toj iwoyek nʼowoye toj nʼoyahyen Biblia.

«¿Chi malhyej (Ep hote) toj Biblia iwoyek tachʼot nʼoye? Lhip toj ichun: Tʼukwe nʼochufwenyajay toj laha ihiche» (Nʼochufwenyaj toj ihi jw.org)

Tetshan chi malhyej (ep hote) toj iwoyek nʼoyen kajyaja toj nʼoyahyen Biblia.

«¿Chi malhyej (Ep hote) toj Biblia iwoyek tachʼot nʼoye? Lhip dos: Alechufwenej toj lhen akajyaja toj leyahyen Biblia» (Nʼochufwenyaj toj ihi jw.org)

Yahin lenʼayhay iyhaj toj ifwel wichi toj pajche toj iyahyen Biblia.

Chi malhyej (Ep hote) toj nʼolhaichufwenej Biblia wet chi malhyej (ep hote) toj nʼoisej (2:07)