¿Atsi mʼak toj Biblia yomeje ángeles?

Heowa tʼuhlak namel natafwelej lewʼet lheley toj ikapha. Toj ihi lewʼet lheleyna iche tʼat hop ángeles, toj nʼotafwelej toj hope tʼat nʼokawos toj pele lheley (Job 38:7). ¿Atsi mʼak toj Biblia ichufwen namejen toj talhe ángeles? ¿Chi malhyej (Ep hote) toj yʼaje wichi? ¿Ha nilhokej ángeles hopehen tʼat Dios lewʼet lheley iyhaj?

1. ¿Atsi iyhaj toj hopehen ángeles?

Toj kamaj yenhilhitʼa Honhat, Heowa yenlhi pʼante ángeles. Hate iwoye lham, hopehen espíritus wok iyhaj toj nanhitʼa, wet ihi tʼat pele (Hebreos 1:14). Iche millones ángeles wet tefwajpejni lhamel wʼenhat tʼat lhamej (Apocalipsis 5:11). Biblia yome toja: «Amel tä letachʼahuyaye wet lewoye lhämtes» (Salmo 103:20). Toj pajche, Heowa ichepej toj ichen ángeles hopkhilak yome lesilotyaj, hopkhilak tachʼote wet ifwayhat laka wichi. Ifwalasna, ángeles inuhyenkwe tʼat lenʼayij hop cristianos hopkhilak nilhoke wichi toj tʼuhlak itafwelej Dios.

2. ¿Atsi iyhaj toj hopehen Satanás wet laka ahot lhayis?

Iche ángeles iyhaj toj ileyej pʼante toj afwtintsaje Heowa. Elh toj ichun pʼante toj iwoye tajtso hope «Ahättaj wet äp lhey Satanás, häp lham tä ikanej [wok ifwechʼenlhi] nilhokej wichi tä iʼpe honhat» (Apocalipsis 12:9). Satanás tʼuhlak niyatej pʼante iyhaj, toj malhyejtso inityenej pʼante wichi toj ichun hopkhilak lhaithatche hop lham. Wet toj paj ikalhi pʼante toj ángeles iyhaj hate iwoye tajtso. Angelestso toj tatayhla pʼante Dios nʼoyen lheya ahot lhayis. Heowa ichen pʼante lhamel toj ipuleye wet itat pʼante honhate, hopkhilak nʼotayhthen lhamel (yahyen Apocalipsis 12:9, 12).

3. ¿Chi malhyej (Ep hote) toj Satanás wet laka ahot lhayis tʼuhlak ifwechʼenwetha namel?

Satanás wet laka ahot lhayis ichumyenlhi wujpe mʼayhay toj talhejla hop hiyawul chumtes hopkhilak ifwechʼenlhi wichi. Che wichi ichumyenlhi tajtso ahot lhayis iwoyek iwitʼayen lhamel. Malhyej toja, iche wichi toj iyahyen horóscopo wet iche iyhaj toj tayʼatshane astrólogos, nʼaltshantses wok hiyawul. Iche wichi toj tʼinhayaj ihi tʼukwe tʼat hiyawul lechʼotyaj. Satanás wet ahot lhayis ichumyenlhi hiyawul hopkhilak ifwenchʼenwetha wichi toj yome toj iwoyek tahuyej tʼat iyhaj toj pajche yʼinhen. Mat Heowa ifwel namhohen toja: «Yej hoye hinʼol tä yämhoplhi wichi tä pajche yʼinhen, lhäyʼe hinʼol tä hanʼältshantses» (Levítico 19:31). Heowa tʼuhlak tʼu namehen hopkhilak Satanás wet laka ahot lhayis ichathitʼa namejen, hop toj hope tʼat letayhfwas wet wuj toj iwoyek iwitʼayen namel.

NATʼAYHETTSHI TOJ NALECHUFWENEJ

4. Ángeles tachʼote wichi toj tʼuhlak itafwelej Heowa

Hop ángeles toj talhe Dios, lhamel tahuhiyejtʼa wichi. Mat mʼak toj lhamel iwoye hope toj ihane Dios laka wichi hop iyhaj toj tʼuhlak itafwelej Dios. Yahyen Apocalipsis 14:6, 7 wet ame mʼayhayna:

• ¿Atsi mʼak toj tamenej toj nawatla ángeles lechʼotyaj toj nawo lhometa?

• ¿Ha leseltej toj lehanej toj ángeles iwoyek ihan ame wichi toj tʼuhlak tachʼahuye nʼosilot toj ihi Biblia? ¿Atsi mʼak toj tamenej?

5. Kawayhla hiyawul lechumtes wet mʼayhay iyhaj toj talhejla tʼat ahot lhayis

Satanás wet laka ahot lhayis hopehen tʼat Heowa letayhfwas, wet lhatayhfwas. Yahyen Lucas 9:38-42 wet ame mʼayhayna:

• ¿Chi malhyej (Ep hote) mʼayhay toj ahot lhayis iwoyeje wichi?

Natʼuhitʼahlak ahot lhayis ichumyenwetha namel. Yahyen Deuteronomio 18:10-12 wet ame mʼayhayna:

• ¿Chi malhyej (Ep hote) toj ahot lhayis tʼuhlak tahu namejen wet ichumyenwetha namel? Lhip toj am lhehi, ¿atsi mʼayhay toj talhe ahot lhayis toj wichi ichumyenlhi?

• ¿Ha lefwetaj toj tʼuhawetej toj Dios nʼayejo wichi toj ichumyenlhi mʼayhay toj talhejla ahot lhayis? ¿Atsi mʼak toj tamenej?

Yahin VIDEO wet ame mʼayhayna:

VIDEO: «Tayhla Ahottaj» (5:02)

• ¿Ha lefwetaj toj Palesa lhase lakwey tʼak iwoyek iwitʼayen lham? ¿Atsi mʼak toj tamenej?

• ¿Atsi mʼak toj Palesa is che iwoye pʼante hopkhilak tʼamajejla hop ahot lhayis?

Hop cristianos toj matchehen tatayhla tʼat ahot lhayis. Yahyen Apóstoles Lhenhay 19:19 wet 1 Corintios 10:21 wet ame mʼayhayna:

• ¿Atsi mʼak toj tamenej toj is che nʼopʼo wok nʼowasti mʼak at che hope toj yiwite ahot lhayis lechumtes?

6. Kalhi Satanás wet laka ahot lhayis

Hop ahot lhayis, Satanás toj niyatej lhamel. Mat Miguel, Jesús lhey elh, lham tʼat toj ichumyenwetha ángeles toj afwtintses. ¿Chihatefwaj (Ep hote toj ihi) lakhajyhayaj toj hiwʼen hop Miguel? Yahyen Apocalipsis 12:7-9 wet ame mʼayhayna:

• ¿Atsi iyhaj toj lhayʼe lhip toj takhajayhen: Miguel wet laka ángeles, wok Satanás wet laka ahot lhayis?

• ¿Ha lefwetaj toj iyhaj toj ihanlhi Jesús is che nowaye Satanás wet laka ahot lhayis?

Am iwoyek lekalhi Satanás wet laka ahot lhayis. Yahyen Santiago 4:7 wet ame mʼayhayna:

• ¿Chi malhyej (Ep hote) toj iwoyek letʼu ame hopkhilak Satanás wet laka ahot lhayis ichathitʼa ame?

MʼAYHAY TOJ LETETSHANNE

Hop ángeles toj afwtintses tachʼot namehen. Satanás wet laka ahot lhayis hopehen Heowa letayhfwas, wet ichumyenlhi hiyawul lechumtes hopkhilak ifwechʼenlhi wichi.

Mʼayhay toj nalechufwenejne

• ¿Atsi mʼak toj iwoyejen ángeles toj afwtintses hopkhilak wichi itafwelej Heowa?

• ¿Atsi iyhaj toj hopehen Satanás wet laka ahot lhayis?

• ¿Atsi mʼak toj tamenej toj am isitʼak lechumyenlhi mʼayhayna toj talhejla ahot lhayis?

IWOYEK LEWʼEN IYHAJ MʼAYHAY:

Tetshanchʼoye mʼak toj tamenej toj Jesús nʼoyen lheya arcángel Miguel.

«¿Atsi elh toj hope arcángel Miguel?» (Nʼochufwenyaj toj ihi jw.org)

Yahyen mʼak toj inʼalit Ahottaj tsʼilakhitʼa hope mʼak toj niʼisa.

«¿Ha iche Ahottaj?» (Nʼochufwenyaj toj ihi jw.org)

Yahyen chi malhyej (ep hote) toj atsinha lhaitiyej kanhi ahot lhayis.

«Mʼak toj ihi is tʼat» (La Atalaya, 1 toj julio toj 1993)

Tetshanchʼoye chi malhyej (ep hote) toj Satanás ifwechʼenlhi wichi toj ichumyenlhi hiyawul lechumtes.

«Mʼak toj matche toj yome magia wet hiyawul chumtes» (¿Ha encontrado usted el camino a la vida eterna?, lhip 5)